اللهم اشفينا

بيانات اضافيه [ + ]

رقم العضوية : 38928  تاريخ التسجيل :  06 2012  أخر زيارة : 22-10-2019 (06:20 AM)  المشاركات : 881 [ + ]  التقييم :  10

لوني المفضل : Cadetblue

والله حززززنت عليك كثير اخوي :(
بس مدري اش اقول ! طيب اخوي ليش ماتسأل مختص أفضل عن سؤالك?
هل هذي طبيعة الاكتئاب ولالا.
وهل جربت معاها الحنان والعاطفة ومن قلب ? رغم احس من اللي تقول سويته لها انك نادر الوجود مثلا تبكي قدامها -اش تبغى اكثر من كذا!! يكفيها احساسك هذا وعاطفتك!! بس شكله اكيد انها مريضة ومستحيل تكون بوعيها! طيب اخوي ممكن تكون ممسوسة!!? ولا ماتؤمن بكذا!!? واذا من ناحية غيرتها الشديدة طبيعي اذا نحنا الغير عصبيات نغار فمابالك هيا العصبية!! اكيد بتجنن لو شافت احد يطالعك خصوصا بنات -مو الكل طبعا- هالايام ينخاف منهم!
اهممم شي لاتستعجل بالطلاق وأسأل مختصين افضضضضل نفسانيين واجتماعيين في مراكز للاستشارات الزوجية
يعني ممكن هي مريضة نفسيا وتحتاج رعاية منك ومداراة وتنتبه لعلاجاتها لان بعض الاحيان المريض يهمل نفسه وييئس من كل شي ولا له خلق شي! احتمال!
وفي احتمال اخير! ممكن عصبيتها منك بسبب عدم إيمانك بالسنة النبوية?
اخي في النهاية تريض ولا تستعجل لانها بتكون طلقة ثالثة وثاني شي بينكم ولد.
اجلس معاها وهيا هادية ورايقة جلسة صراحة وحنان وقولها بصراحة ليش انتي كذا وقولي ولا تخافين واللي تبغينه بسويه ..الخ حاول ان تصل لاعماقها وتعرف مابها!
وايضا أرقيها الرقية الشرعية, وايضا على مختصين نفسانيين واصبر عليها وعلى علاجها ومرضها لمن تتشافى لو انت كنت مريض كان مااتخلت عنك وصبرت عليك- اتوقع كذا- وكمان اعرض المشكلة على مستشارين للمشكلات الاسرية في بجدة مركز المودة وفي كثير ومن غير ذكر اسم وتلاقي عنوانهم وارقامهم عالنت ، الافضل في موضوع زي كذا تستشير مختصين بالمشاكل الاسرية هم لهم نظرة أعمق وابعد وعندهم خبرة.
وفكر بالولد اللي بيضيع ويتبهدل بين امه وابوه .الله يهدينا واياكم اجمعين لما فيه الخير.
واتمننننى اتمنى تراجع معتقدك وان تبحث اكثر وتسأل عن معتقدك ، ابحث اولا واسال ، وأنصحك بمنتدى التوحيد، فيه مجموعة من المختصين بمثل هذه الامور ولن يتركوا لديك شبهة من غير جواب . اهتم ولا تهمل هذا ايضا ، فهذا أهم المواضيع اهم من زواجك وحياتك هذا مصيرك المحتوم في الآخرة يوم لا ينفع الندم . اسأل واسأل واسأل فالعلم لاحد له ،لاتظن ان ماتملكه وتعرفه هو العلم فقط وعنده انتهى العلم، فمازلنا أحياء فنحن نبقى نتعلم إلى الممات، العلم من المهد للحد ..
هدانا الله اجمعين للحق بفضله وكرمه.. وإن أصبت فمن نفسي وإن اخطات فمن نفسي والشيطان.. والله أعلم.. وايضا نسيت نقطة أسأل عن مشكلتك هيئة كبار العلماء في السعودية وانظر ماذا يفتون لك، لكي تطمئن بأن ماتفعله هو الحق..
والمعذرة عالكلام الملخبط فصحى على عامي، ولكن جد أثرت فيني مشكلتك كثير وحزنت عليك وعلى قد مااتقطع قلبي عليك زعلت عليك لمن عرفت انك ماتؤمن بالسنة النبوية،لان أمثالك وامثال اخلاقك وطيبة قلبك وحسن تعاملك وعاطفيتك ونجاحك في عملك وذكائك تمنيت الخير لك :-( ولكن لك حرية المعتقد وليس علي سوى النصيحة والدعوة واتمنننننى اتمنى ان تسمع لنصيحتي من قلبك وعقلك اولا ولا تتجاهلها انا اعرف ان الناس ماتحب النصيحة ولكن لانستطيع أن نرى إنسان يلقي نفسه في النار ولا نحاول ان نبعده عنها بقدر استطاعتنا :-( :-( :-(
اعتذر عالاطالة