نفساني - عرض مشاركة واحدة - زواج السعوديه من غير السعودي ( الأجنبي ).

12-10-2014, 10:57 AM

لحظه تفائل
من سجلت بالمنتدئ وانا اقرا لك واشوف تفائلك وكنت اتفائل بيكي
حبيبتي
صدقيني بالصبر كل شي يصير
إزا غلطتي مايمنع انك تعتذري
انتي خطيبته ومن حقك تبيني وجهه نظرك
وتسمعي وجهه نظره
ان شاآالله مايكون اتصل ب اخوك ولا انها شي يمكن لحظه زعل وغصب
انا لو احكي لك الي حصل معايه والله تبكي عليا
تخيلي واحنا مخطوبين ب اول مشوارنا صار سوء تفاهم بين ابويا وبينه وابويا اتصل عليه قال له مافي نصيب
المهم انا ما ادري بالي حصل وكالعادة اتصل عليه بالليل ابا اكلمه قال لي كلام جرحني بانه بابتي رفضو
تخيلي من نفس الوقت قفلت وكنت ابكي وادعي ربي بان يرجعه ليا تاني
وبعدها ب اسبوع جو ناس وخطبوني
الرجال جا ويبغا يشوفني واهلي غصبًوني ادخل عنده
المهم كنت مكشره وادعي انو مايكون من نصيبي
طلعت من الغرفه وابكي
الرجال عرف اني مو موافقه
قال ل ابويا ممكن اسمع موافقتها ب أذني
لمن نادوني قلت والله مو موافقه وما ابغا اتزوج
وراح الرجال والحمدلله ماكان
تخيلي بعدها ب اسبوعين خطيبي يتصل عليا
يقول لو تبغيني لسه ابغاكي
قلت تعال صلح الوضع مع اهلي وانا ابغاك
والحمدلله وماشالله رجعنا لبعض واتمسكنا ببعض اكتر
المواقف دي تعلمك الصبر وتاخدك لربك وتقربك منه
صدقيني لو هوا من نصيبك حيرجع يكلمك تاني ويشد حيله ب امر المعامله
هوا مستحيل يلقا زيك ياقلبي انتي انسانه مافي منك وتعلمنا منك حاجات كتيره والاهم التفائل
ربي يجبر خاطرك ويسر امرك وامر كل شخص يبغا الحلال