نفساني - عرض مشاركة واحدة

12-10-2014, 09:34 PM

الله يسعدك اخوي وما تفقد لك غالي يا رب وانا تحت امرك دائما

اكتئابك شديد ومقاوم نوعا ما , اللورزيبام جيد جدا ويخفف من نوبات الاكتئاب والغمامة السوداء لكن اكتئابك فيه من الشده شوي , بما ان اللورزيبام لم ياتي بنتيجه فوريه فلا داعي لاخذه

شوف اخوي الادويه اللي تاخذها جيده كثير وتحتاج نعطيها فرصه , لو مثلا قلنا درجات الاكتئاب من الصفر الى المئه , لانك تاخذ ادويه فراح توصل باذن الله مثلا 90 في المئه اليوم اللي بعده 80 اللي بعده 70 وبعدها يرجع 80 وهكذا

يعني لن ينزل باذن الله للصفر ف راح يكون متذبذب مره ممتاز ومره جيد ومره جيد جدا وهكذا , تمنيت ان دكتورك اعطاك ليريكا ونشوف كيف تاثيرها معك . طبعا التأثير المفروض يكون فوري لكن ربما بالنسبه لك قد لا ياتي بالنتيجه المطلوبه مثل اللورزيبام

شوف ابيك تجرب تشرب قهوه سودا (تركيه) وعلمني كيف شعورك بعدين هذا اولا , ثانيا حبوب الدوقماتيل ممكن تريحك من القلق بنسبه نقول انها جيده نوعا ما , ثالثا حاول تجيب ليريكا بقوه 150 ملج ولو حبه وحده وشوف تاثيرها عليك

في المستقبل راح نضيف ادويه اخرى ان شاء الله

متى موعدك القادم مع الدكتور ؟ وكم لك شهر حاليا و انت تستخدم الادويه هل تعدت شهرين ؟ على فكره انا صراحه متفائل كثير مع علاج الافكسور وما ابيك تغيره حتى تكمل 3 شهور او 4 شهور ايضا اتوقع راح باذن الله راح ترتاح وتجي نتائج طيبة

كثير من الناس يستعجل ويغير الدواء احيانا يكون البناء الكيميائي بطيئ شوي لكن لابد يوما ما باذن الله يكتمل البنائ وتطلع النتيجه , وايضا ابيك تحط في بالك مو شرط تكون متحسن مئه في المئه لا حاول ترضى بالقليل حتى لو كنت مستفيد 50 في الميه فهذي نعمه , تخيل اني استخدمت سيمبالتا وما غيرته الين تعديت 4 شهور وقتها بديت اشعر ان الوضع بدا يتغير معي وبدا يجيب نتيجه طيبه , صحيح ان التحسن 50 في الميه لكن بالنسبه لي انا قنوع الحمدلله بالوضع وباذن مع الوقت اكون افضل بكثير

اصبر وباذن الله سترا اشياء طيبه لاني متفائل انك راح ترتاح باذن الله