نفساني - عرض مشاركة واحدة - زواج السعوديه من غير السعودي ( الأجنبي ).

13-10-2014, 01:51 PM

[QUOTE=عززيز;1011839]السلام عليكم ورحمة الله وبركاته

اليوم رحت مره تانيه لشرطة منطقة مكه المكرمه
بس كان الكلام غير عن أمس الموظف حق أمس يهايط علي الله لا بارك فيه
طبعا أنا رحت ومعاي واحد من الشباب عسكري ولابس بدلته قال يمكن يلاقي احد يعرفه هناك
المهم دخلنا عندهم وصاحبي يسال العسكري على المعامله حقي والرجال متجاوب معانا
قالنا المعامله تحولت ل البحث الجنائي بتاريخ 5/12/1435 وعطاني رقم المعامله يقول لمى تخلص
من البحث تجي عندهم في شرطة منطقة مكه المكرمه وهم بدورهم يرسلوها لشرطة جده ( مكتب الزواج )
وهناك تكمل باقي الإجراءات ( قالي تجلس في البحث الجنائي من أسبوع الى أسبوعين ) جلطني لمى قال كذا
وقالي انصحك لا تروح لهم لأنهم ما راح يفيدونك باي شي بس يقول اتصل علينا وراجعنا اذا وصلت لنا او لا
طبعا أنا خرجت من عنده وما أخذت بكلامه رحت للبحث الجنائي وبالقوه عرفت موقعهم بعد عناء وتعب مع حر جده
المهم الحمد لله لقيت المعامله عند الرجال وجااااهزه فرحني قالي بالكثير الأربعاء او الخميس راح تكون في شرطة مكه
وهما راح يرسلوها لمكتب الزواج وبسسسسسسس الحمد على كل حال
بالنسبة لي عرفت وين مسار المعامله حقي راح انتظر ك شاء الله تفرج لي ولكم

أخوي ديدو وينك اليوم ما شفتك هناك ..... المهم بشرني ايش صار معاك

الله يكتب لي ولكم كل خير ويفرحنا بالموافقة ياااارب عاجلا غير آجل

لا اله الا انت سبحااانك اني كنت من الظالمين[/QUOTE

أخ عزيز أنا كنت هناك ساعه 9 ونص لابس ثوب رصاصي صار معاي نفس الكلام
وقلي الشرطي راجعنا بعد أسبوع حق أمس قله هذا لا تقله راجعنا هوا بيجيك لوحده بكره قلتله والله كان ودي اجيكم بكره
بس للأسف عندي عمل ومسافر بكره ان شاء الله يومين وأحضر عندك المهم جلست اتكلم مع الشرطي قلتله بس بعرف إيش فيها تكفه
قلي انت في شي خايف منه قلتله أيوه العمر قلي وربي لو جات المعامله من البحث وفكيتها حدخل في قضية وتحقيق قلي لكن بديك
رقمي الخاص وتتابع معايا وفعلا اداني رقم جواله قلتله اراجعكم بعد أسبوع قلي لا بكرره أو بعده كلمني واقلك وين صارت المعامله بس
ما قدر اقلك إيش فيها الله يعطيه العافيه كان متعاون والله
بسالك البحث الجنائي في عنيكش قريب من مجمع الشرق صح ?
وقلي ما انصحك تروحلهم
ياخي والله غريبه كل معامله تروح في مسار غير الثانيه بكره تلاقي،واحد راحت معاملته المريخ ليه يقلك نظام جديد
الله ييسرلي أمور واموركم يارب
الشرطي يقلي والله دوبه واحد كان هنا وقلت له نفس الكلام عرفت أنه أنت ههههههه

أنت لما رحت البحث الجنائي شفت معاملتك إيش مكتوب فيها ولا ما قدرت