السلام عليكم مساالخير احبتي 234M4R32ED

انا عضوة جديدة في المنتدى ،،
تقريبا اموري مشابهة لاخواتي العضوتين سواف و قنوعة و الله ييسر علينا و ع
الجميع الامور

قدمت اوراقي ع امارة الرياض من اسبوع و قالولي المعاملة تحت الاجراء و الان انا على نار و بنتظر و ببحث عن تجارب
خطيبي مقيم من جنسية عربية و عمرنا نحن الاتنين 27 سنة. اول يوم في الامارة اعطوني اوراق فيها الشروط ماكانو كاتبين فيها غير اني ما اكون من اصحاب الوظائف الممنوعة و يكون عمري اكتر من 25 سنة
بالنسبة لموضوع الراتب، اللي اعرفه ان الشرط دا كان زمان في شروط زواج السعودي بغير سعودية،، يعني ان شاالله نحن كنساء مو داخلين في الشرط
و بالنسبة للتحاليل، مافيها خوف باذن الله و ان شاالله تطلع النتيجة نفسها، انا عملت التحاليل مرتين و كلها نفس النتيجة

بس عندي تساؤولات والله يستر
هل في شروط في عمر الزوج و راتبه لو كان مو سعودي؟
و اسمع انو في بعض الاخوة و الاخوات قدموا ع الداخلية مو ع الامارة،، يعني هو
في فرق؟ انا فهمت انو لو كنتي مو مستوفية للشروط لازم في الداخلية

. وبالنسبة للمعاملة،، دحين هم اعطوني الرقم،، الموظفة الله يجزيها بالخير قالتلي تعالي بعد شهرين راجعي،، خلاص استني شهرين و بعدين اروح؟ ولا ممكن اسوي شي؟ اسمع الاخوة و الاخوات يقولوا المعاملة وصلت الشرطة و راحت هناك و جات هنا،، دي الاشياء كيف اعرفها

والله كبير لطيف و خبير ييسرلنا امورنا جميعا و يتمملنا ع الف خير