19-10-2014, 09:20 PM
|
#13052
|
|
عضو فعال
|
بيانات اضافيه [
+
]
|
|
رقم العضوية : 48850
|
|
تاريخ التسجيل : 10 2014
|
|
أخر زيارة : 03-06-2015 (06:09 PM)
|
|
المشاركات :
37 [
+
] |
|
التقييم : 10
|
|
|
لوني المفضل : Cadetblue
|
|
اقتباس:
المشاركة الأصلية كتبت بواسطة يارب سهل امري~
متى قدمتي ومتى جاك الرد عشان تحللي وكيف كانت طريقه التحويل ع التحليل
لان احنا مقدمين من شهرين ونص ماعطونا خطاب للتحليل ؟؟ لسى تحت الاجراء
|
انا رحت امارة الرياض من شهر و سالتهم كيف اسوي المعاملة فاعطتني الموظفة لسته بالشروط اللي المفروض تتوفر فيا و في خطيبي و لستة فيها الطلبات.. كانت صورةشخصية لي و لخطيبي و صورة من هويتي و هوية ولي الامر و اقامة خطيبي و تعريف بالعمل و الراتب و برنت الاحوال و صورة من الجواز و اقرار من الشرطة و ملف علاقي. . كدا افتكر!
بعد ما جمعتها رحتلهم تاني و قعدت الموظفة ترتب الاوراق حسب لستة عندها.. بعدين اعطتني مجموعة اوراق.. اقرار الموافقة الشخصية مع البصمة و ورقة تانية في وجهها بياناتك و بيانات مامتك و ولي امرك و قفاها بيانات خطيبك و خطاب موجه لمستشفى الشميسي عشان التحاليل و طلبت مني اكتب المعروض للامير و اجيب صورة لهوية شاهدين سعوديين و اقرار ولي الامر بالموافقة ع الزواج من غير سعودي..
زي ماقلتلك التحاليل اخدت عشرة ايام في مستشفى الشميسي و الملك سعود دا بالنسبة لي انا اما خطيبي فاعطوه توجيه لمستشفى تانية نسيت اسمها والله..
قالتلي ان الاوراق لازم تتقدم بالطرف السعودي يعني لو كانت الزوجة هي السعودية هي اللي تقدم الاوراق بعد ما يتاكدوا من الاي دي تبعك في قسم النساء و مايسمحوا بالتوكيل،،
انا اكتملت اوراقي الاسبوع الماضي فرتبتها الموظفة مرة تانية و اتاكدت انها كامله و طبعتلي اقرار تاني مكتوب فيه ايش حقوقك و حقوق ابنائك من الزوج الغير سعودي و خلتني اوقع عليها اني موافقة و حطتها في وجه الملف مع رقم المعاملة و قالتلي خلص تعالي راجعي بعد شهرين ولا اتصلي علينا!
وبس! انتي ايش عملتي؟؟
الله ييسر علينا جميعا و يتمملنا على خير.. الله كريم
|
|
|
|