|
اسأل الله لي ولكم الشفاء العاجل
السلام عليكم ورحمة الله
كيف حالكم ؟
انا مصابه بتضخم والتهاب الغدة الدرقية
لاتسألوني عن حالتي النفسيه كانت شينه من شهر صارت اسوء
اخذ اندرال 80 ملجم باليوم كان متحكم الحمدالله بالاعراض كلها جيت موعدي واشتكيت من قلبي نغزات وبروده خفضوها لي من 80 ملجم الى 20 ملجم
من بعدها جاني نوبات هلع توتر وخوف قلق وسواس الموت وكاني عايشه بحلم اكتئاب ماقدر اسمع اللي قدامي ماعندي تركيز واذ سمعت الصوت غثيان
المشكله اني اخر سنه بالجامعه وانا انسانه مطلقة وعشت مشاكل بحياتي وطلعت منها امي تنتظر تخرجي تبي تفرح فيني من بعد هالتعب
جتني نفضه غريبه وكل يوم حالتي تسوء اكثر صرت ابي انام عشان مافكر ولا انتظر الالام اللي احس فيها وكرهت الجامعه ولا ابي اتحرك
بمكاني جالسه رحت للطواري كل شي سليم حتى هرمون الغده نزل طبيعي اشتكيت الاعراض اللي حسيت فيها رجعوا لي الاندرال الى 80 ملجم
اختفت الاعراض شي فشيء الحمدالله بقى عندي وشو ..
وسواس الموت تعبني مره اشتكي من صداع وماشوف زين قلت يمكن معي فري الراس اخذت صبخات على راسي كل يوم بتحسن
بقى معي احساس بالموت والقلق الخوف من مجهول مادري هو فعل الاكتئاب اللي سببته الغده ولا هو صدق بيصير
قلت بروح لدكتوره نفسيه بالجامعه رحت كلمتها واخذت مني ادويه اللي اخذها ووعدتني موعد ثاني رحت لها لموعدي الثاني قالت لي انه انتي انسانه سليمه وواعيه وهذا كله اللي فيك من الدوا اللي تاخذينه
مالك الا الصبر لموعدك ولا اقدر اساعدك الا بتمارين الاسترخاء
انا اعترف اني بتحسن كل يوم حتى صلاتي صرت محافظه عليها مانام الا مؤدية كل فروضي هو النتيجة الكويسه اللي اخذتها من اللي صار لي
بس الاحساس بالموت والخوف من مجهول القلق هو اللي تعبني شوي
وان شاء الله ستكون سحابة صيف وتنجلي ...
|