|
محتاج مشورتكم ضرورى جدا و عاجل
السلام عليكم ، انا ابنى 15 سنة و عندة وسواس قهرى و يتمثل فى افكار غريبة و عدل الاشياء فى مكانها بطريقة معينة و ان لم يفعل ذلك يجيلة صداع جامد
هو متابع مع دكتور و كان ماشى على البروزاك و لقى ان مفيش تحسن غير الى فافرين مع نصف حباية امبلفى وحصل تحسن انه مبقاش بيعدل اثناء اللعب و لكن عندما يبداء فى المذاكرة تبتدى الافكار تهجم علية والصداع يشتد
المهم الدكتور قالى انه لازم لما ينفذ الافكار السلبية انه يتعاقب علشان يكون عندة دافع للسيطرة على الافكار
المشكلة ان الولد مستسلم تماما و مش عايز يبذل اى مجهود فى مقاومة الافكار يعنى انا لما تابعتة لمدة اسبوع متصل لم يقم بتنفيذ اى فكرة و لما غبت يوم واحد عن البيت قام بالاستجابة للوسواس اكثر من مرة
مش عاارف اعمل معاة اية لان الدواء لوحدة غير كافى و لازم يكون عندة عزيمة و ارادة للعلاج و خايف ان كتر العقاب و حرمانة من الاشياء التى يحبها يجيبلة اكتئاب
|