|
سلام عليكم ورحمة الله وبركاته
اختي ام الغاليه
ابشرك حالتك بسيطه جدآ وكل اللي قلتيه هو من اعراض القلق فقط
وانتي اصبحتي تصنفين كل عرض على انه مرض منفصل لوحده
وترى حالتك كلنا مرينا فيها
شعرنا بالجنون
فكرنا بالانتحار
وكل الاعراض اللي ذكرتيها
وانتي مع الايام راح تصيرين زينا تتعودين عليها وتصير شيء طبيعي
بالنسبه للنوم كل هذا من تفكيرك السلبي يعني بختصار
تفكير سلبي ينعكس على مشاعر سلبيه وسلوكيات سلبيه
تفكير ايجابي ينعكس على مشاعر ايجابيه سلوكيات ايجابيه
خلي ها المعادله دايمن في بالك وطبقيها طبعآ في البدايه بيكون شيء صعب بسس مع المحاولات
راح تلاحظين الفرق في حياتك وترجع حياتك طبيعيه وبتتعلمين كيف تسيطرين على حالتك
يعني الموضوع اسهل من ما تخيلين مافيه شيء اسمه مرض نفسي كلها تفكير سلبي
انتي غلطتك الوحيده انك تخبطتي في الادويه النفسيه
وانا مالومك لان بداية القلق تكون اصعب مرحله وانا انصحك انك تقللين منها لين تتوقفين تمامآ
وبعدها خذي دوا اسمه سبيراليكس 10 ملجم اول اسبوع نصف حبه والاسبوع الثاني ارفعي الجرعه الى حبه لمدة 6 اشهر متواصله
وتوقفي طبعآ بعد استشارة طبيبك
والدواء الثاني هو
المحافظه على صلاتك الفروض الخمسه في اوقاتها
وقيام اليل والاذكار
وقراءة القرآن لو صفحه واحده يوميآ
قوي صلتك مع الله وشوفي كيف تتغير حياتك
واذا تقدرين تراجعين عند دكتور يستخدم العلاج السلوكي المعرفي يكون افضل
لانه راح يساعدك على فهم حالتك واذا عرف السبب بطل العجب مدري هو كذا المثل او لا هههههههههههه
وبقولك شيء راح يساعدك كثير على موضوع النوم هي تمارين الاسترخاء والله لها فوائد كبيره
وقبل النوم قفلي مخك يعني تنحي تمآمآ خخخخخخخ لاتفكرين في اي شيء وطبقي تمارين الاسترخاء بحذافيرها وبأذن الله تنامين بدون ماتحتاجين لاي منوم
وتأكدي ان حالتك بسيطه وكلها اعراض للقلق النفسي زي ماقلتلك
وتأكدي باذن الله انها فتره وتعدي وتذكري كلامي بعد فتره بس اهم شيء اشغلي نفسك مع بنوتك الله يخليها لك وشيلي ها التفاكيررالسلبيه من راسك والله ماراح تفقدين عقلك ولا راح تموتين قبل يومك والعمر اقصر من انك تشغلين نفسك بالتفاكير والتردد على المستشفيات عيشي حياتك واستمتعي بكل لحظه فيها
وانا حاضر اذا عندك اي استشاره او اي سوال
واسال الله سبحانه ان يشفيك
ويشرفني ان اول مشاركه لي في ها المنتدى رد على موضوعك
والاخوان ماقصرو وكلهم فيهم خير ..
|