نفساني - عرض مشاركة واحدة

07-11-2014, 01:45 PM

اقتباس:

المشاركة الأصلية كتبت بواسطة تغيرنا !

سلامة خاطرك تباشير، بجد انصدمت لما قريت كلامك وين راحت الإيجابية اللي كنت أقراها في سطورك لما كتبتيلي رد جمييل على موضوعي !

حبيبتي شيلي من بالك فكرة إن ربي مايحبك والله مايصير تقولين هالكلام، بالعكس ربي إذا أحب عبد ابتلاه ولا تربطي محبة الله لك بإستجابة الدعاء لأن ربي وحده هو اللي يعلم وين الخير لك
(وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون)

وانتي تعرفي إن الدعاء له ثلاث حالات / إما أن يستجيب الله لك، أو يرفع الله به بلاء كان قد يقع، أو يدخره الله لك يوم القيامة، فالدعاء كله خير ولا تيأسي ولا تقنطي، فالله أدرى بما يصلحك وأدرى بما ينفعك، يعني لازم تسلمي أمرك لله .. وتذكري من رضي فله الرضا ومن سخط فله السخط ..

وانتبهي إلا صلاتك جاهدي نفسك لا تتركيها لا تخلي الشيطان له سلطان عليك، اليوم تأديها بدون خشوع بكرة إن شاءالله يطيب قلبك وتأديها بحضور قلب وتلاقي فيها راحة وسكينة لك .

وأمك لا تزعلي منها يمكن مو عاجبها وضعك عشان كذا ترمي عليك كلام، والله مافي مثل الأم بالدنيا ترى حتى قسوتها حنية وكله هذا من خوفها عليك وحبها لك .. ما أقول غير الله يخليها لك ولا يبين غلاتها .

وبالأخير اتذكري إنه : كم من أمور حجبها الله عنا وبقيت فى قلوبنا بعض علامات الأسف والحزن عليها، ولو فتح لنا الغيب لسجدنا شكرا على أن الله حجبها عنا ..

ربي يقدرلك الخير حيث كان ويرضيك به ..

هلا بك فرح ..
ما ادري وش اقول .. ما أنا إلا بشر ..
أحاول و رب العزة ..
لكن لما تحاول .. و تحاول .. و تجاهد نفسك .. و في النهاية يطلع مو كافي .. مو كافي يا فرح .. طيب وش اسوي .. هذا اقصى جهدي .. و يطلع في النهاية مقدار بخس و ضئيل ..
الحمدلله .. جزاك الله خير .. جزاك الله خير ..