بلا حياة

بيانات اضافيه [ + ]

رقم العضوية : 49057  تاريخ التسجيل :  11 2014  أخر زيارة : 13-02-2017 (08:44 PM)  المشاركات : 15 [ + ]  التقييم :  10

لوني المفضل : Cadetblue

حيرة و ضياع..بسبب الرهاب ، افيدوني💔

السلام عليكم ورحمة الله وبركاته


هل تعاني من الرهاب .. لست وحدك في ذلك ..
اول شي أشكركم كثير على هالعباره اللي تطمن القلب وأحس أنكم فاهميني كثير

انا بقول لكم قصتي من وانا صغيره لين كبرت ولا فهمت إِيش اللي فيني
هل هو مرض او عين او عقده نفسيه او اضطراب او رهاب
انا اذكر لما كنت في ثالث ابتدائي كنت جداً جريئة وكنت دائماً أوقف قدام البنات وأطلع في الإذاعات
وكانوا يسموني المعلمه الصغيرة ! وكنت اكثر وحده محبوبه عند المعلمات !
المهم الى ان انتقلنا الى بيت جديد واضطريت اترك مدرستي القديمة وانتقل لمدرسه جديده
كنت وقتها بالصف الرابع ابتدائي .. وبدت المعاناه
اذكر اللي صار لي يومها بالتفصيل كأنه صار أمس !! يوم كنت ابكي بالفسحه وبالفصل اجلس لوحدي
ويلعبون البنات وانا ما العب !! مين يصدق ؟ الشخصيه الواثقه المحبوبة فجاه انقلب العكس!
من يومها صرت هااديه مع اني ماكنت كذا والى الان وانا شخصيتي مهزوزه وماعندي ثقه بنفسي
دايم اقول ياليتنا ما نقلنا وياليتني استمريت بنفس المدرسه
المهم انا الان بالصف الثاني ثانوي كنت اعرف 3 صديقات فقط اللي معاي وما أكلم غيرهم ولا اختلط الا فيهم
المهم دخلت انا ادبي وهالثلاث صديقات دخلوا علمي ! وقتها رجعت لي نفس الحاله القديمة ؟
ضيقه بالفصل وأحس ببكي وكل شوي اروح اجلس بدورات المياه عشان يمر الوقت بسرعه وارجع البيت
تحملت وكل شوي اقول يلا بيعدي وبتعود مع الأيام ؟
لين خلاااااص طفح الكيل قولوني صار يعورني وكل يوم من مستشفى لمستشفى
المهم قلت لأامي اني ما ارتحت مع البنات قالت خلاص ننقلك لمدرسه خاصه ووافقت
يوم نقلت لملمدرسه الخاصة تفاجأت ان مافيه غيري انا وطالبه وحده؟؟ يعني المدرسه عدد طالباتها قليل
المهم ضقت مره وقلت لامي خلاص ماعاد ابي ادرس افصلوني
وكنت ابكي وامي مصدومه مني وماتدري وش تسوي
المهم راحت امي المدرسه وشرحت للمديره الوضع وقالت امي ان بنتي ماتقدر تداوم وبتصير تغيب وبس تختبر وتطلع
ووافقت المديره وفعلاً صرت دائماً غايبه
انا الان ما ادري هل هذي الخطوه اللي سويتها تضر فيني ولا لا ؟؟
انا غلطت ولا لا؟
وش كان المفروض أسوي ؟؟
والحين اجلس طول هالسنتين بدون دراسه؟؟
جاني اكتئاب جداً شديد وصرت اتذكر دايم مواقف الطفوله اللي صارت لي يوم نقلت
اللي فيني هل هو رهاب ولا خجل ولا إِيش ووش تنصحوني أسوي الله يسعدكم ويفرج همكم😢؟؟؟؟

المصدر: نفساني