نفساني - عرض مشاركة واحدة

29-11-2014, 07:25 PM

و عليكم السلام و رحمة الله ...

كلامك و الله أوجع قلبي .. و خنقتني العبرة .. أحس فيك .. و أحسني فيك .. لما يحس الإنسان إنه وحيد و غريب بين أهله .. شيء مؤلم ..
يعني وين يروح الواحد ..
و ربي أحس بمشاعر الضغط و القهر الي تحسين بها ..

بس ما شاء الله عليك .. يا بسمه ..
الله يثبتك يارب ..
إنسانه رايقة و رغم كل شيء .. و تخافين ربك ..
و صديقيني ما عند الله ما يضيع .. لا و رب العزة و الجلال ..
إن كنت تحسين بمشاعر سلبية أحيانا و مشاعرك مبررة .. أن الله غفور رحيم .. الله لا يحاسب لا شعورك تجاه أبوك .. يحاسبك فقط على سلوكك ..
المشاعر لا سلطان للإنسان عليها ..

تقسيييييين على نفسك كثير .. و كل شوي كاتبة .. أنا الغلطانة .. خطأي ..
لا .. يا قلبي مو غلطك .. و لاهو بسببك ..
و طريقة تربيتك و بيئتك .. هي السبب .. يعني لو شخص ثاني تربى بهالطريقة .. إحتمال كبير يصير له مثل ما صارك ..

يا قلبي مو غلطك إنك صرت إنطوائية ...
مو خطأك لو صرت تخافين تتعاملين مع الناس ..
مو خطأك لو إنخفضت ثقتك بنفسك ..
بالعكس كثر الله خيرك و جزاك الله خير .. على تحملك و صبرك و ربي أدري وش معنى رهاب و خوف يأكلك في كل لحظة و ربي عذاب ممستمر ..
و تعب .. و أخرتها يصير الواحد يكره نفسه .. طيب خطأهم ليش أنا أعاقب نفسي على أخطأهم ..
للاسف يا بسمة .. الوالدين أحيانا يكونوا من الإبتلاءات ..
ناس ربك يبتليهم بصحة بقل مال .. بمصائب .. و ناس الله يبتليهم بوالدينهم يكونوا هم مصدر التعاسة و الألم و بدلا إنك تستندي عليهم ..و يكون مصدر الأمان و الحنان .. يكونوا مصدر الشقاء و الخوف ..
و لا خيار هنا .. إلا معاملتهم بما يرضي الله .. طبعا هذا لا يعني أن لا تأخذي حقك منهم .. تأخذية بأكبر قدر ممكن من اللين و الحزم في نفس الوقت ..

بس تدرين ..
رغم كل شيء .. ربك كريم ..
و الحالة الي تعيشينها .. بكل ثقة أقول لك .. ممكن تتخطينها ..
الرهاب من الأمراض الي يمكن علاجها و نسب الشفاء عالية جدا ..
بشرط واحد بس ..

التطبيق و التدرب ..

الي أنت عايشتة ماله علاقة بذكاءك .. أو قدراتك .. لا
أبدا .. هي مجرد أفكار سلبية .. إكتسبتيها من الي حولك .. و مرة بعد مرة .. ترسخت في داخلك .. و مثل ما دخلت .. نقدر نخليها تطلع ..

انت كنت تقولين كنت قوية الشخصية .. كنت إجتماعية .. كنت و كنت ..
هذا يعني إنك عندك مهارات إجتماعية و تعرفين كيف تتعاملين مع الناس و تخالطين الناس .. طيب وين المشكلة .. المشكلة في مشاعرك .. الي هي الخوف و القلق و التوتر .. حتى أنت تعرفي ساعات إنو الموقف ما يستدعي هالمقدار من التوتر أو مثل ما قلتي أدري أنو مافيه أحد يراقبني وقت ما أمتحن أختبر في قاعة الإمتحان .. لكن مشاعرك تقول عكس ما تظنين .. أو تعتقدين..

تصدقيني لو أقول لك و بعد فترة .. من التدريب و تطبيق بعض المهارات ..
راح تحسين بمشاعر كنت فاقدتها من زمااااااان و راح تتغير عندك أشياء ..

هو الموضوع يحتاج منك شوية إصرار و تدرب .. و راح تحسين بالتحسن شوي شوي .. يعني التحسن بيكون بالتدريج ..

تدرين .. المهم عندي .. دراستك .. ثم دراستك .. ثم دراستك ..
تمسكي فيها لأخر رمق و لأخر نفس .. الشهادة أمان و صدقيني هي الصدر الحنون للبنت في هذة الحياة .. راح تعيشين عيشة الذل من دونها .. لكن معها تكوني عزيزة نفسك و ممكن تعزين فيها ناس غيرك مثل أمك ..
خليك قوية و عزيزة حتى بين أهلك .. بكرا تكوني موظفة و يكون بيدك راتب .. و يكون قدامك خيارات و هالخيارات بيدك انت ..

وسعي صدرك .. يا قلبي أنت .. مابعد العيسرا إلا يسرا و كل شيء له حل ..
حتى لو ما قدرت تروحين للدكتور على رجولك نقدر نخلي الدكتور يجيك هههههههه الحمدلله على نعمة التكنولوجي ..

شوفي يا عسل ..
أول خطوة الإستخارة .. و طبعا الصدقة بنية الشفاء .. تصدقي بالي تقدري عليه .. صدقيني أصحاب الصدقة كثيير .. و الدعاء .. و أنت ماشاء الله عليك قدعة في هالأمور و ما ينخاغ عليك ..

ثانيا .. تفائلي و حطي في بالك إن حالتك قابلة للعلاج لسبب بسيط جدا .. غيرك عنده نفس حالتك و أسوء بعد و قدر بحمدالله إنه يتخطاها و يتشافى ..
إبدأي العلاج .. و بكل أصرار و قوة .. أبغاك تبدأين ..
صدقيني العلاج بحد ذاته مو صعب .. يمكن ساعات تحبينه لأنك راح تحبين الإحساس الي راح يجلبه لك ..

و العلاج هو كورس متكامل مثل ماقال أخونا خفاياإنسان .. برنامج جباااار ..
و كثير إستفادوا منه .. طبعا هذا العلاج عبارة عن تمارين و مهارات تتعلمينها ..
و هذا العلاج طبعا مو دوائي .. هذا العلاج علاج معرفي سلوكي .. يعني يغير أفكارك و معلوماتك و يعدل سلوكياتك ..

و إذا حابة علاج مع أخصائي بشكل مباشر تكلمينة .. برضو أقدر أقترحه عليك في الخاص ..

و إذا حابة علاج دوائي .. برضو أقدر أعطيك كذا خيارات تصرف لك الدواء .. و طبعا كلها و كل هالعلاجات أو خيارات العلاجات ما تتطلب منك تروحين لأي مكان .. إما عن طريق النت أو عن طريق الهاتف ..

صدقيني يا بسمة .. صدفيني ياروحي أنت .. الفرج قريب .. و بتدعين لي بإذن الله هههههه ...

الله يشرح صدرك و يعينك و يهون عليك و يسخر لك أهلك و يسخر لك كل شيء .. و يرفع قدرك و يجعلك يارب عاجل غير آجل عزيزة قومك .. و يرزقك ربي العلاج الشافي التام و يرزقك ربي الشهادة و الزوج الي يحبك و يخاف فيك ربه و يسعدك .. يارب ..