نفساني - عرض مشاركة واحدة - السلام عليكم منتدى نفساني .. قصتي مع الرهاب .. ارجوك اسمعني وادعمني

03-12-2014, 01:16 PM

اقتباس:

المشاركة الأصلية كتبت بواسطة صاحبة الجواد

قسم بالله حمستيني واجد واجد لهالبرنامج ومستعده
ابدا من قاع قاع الصفر مستعده اسوي اي شي
مستعده اكسر كل شي قدامي عشان اودع هالرهاب من حياتي
يالله اختي بصيح والله
انت هدية من ربي وقسم انت كذا عطيتني امل بعد
يأس تام
موافقه اكيد وربي ابي اصير وحده ثانية
شكرا من القلب ولك خالص الدعاء

وداعا ياااا رهاااب قريب ابقضي عليك
وداعا يارجفة
وداعا ياخوفي
ودااعا للتلعثم
وداعا وداااعا والى ابد اﻵبآد
وداعا للاحراجات
الوداااااع وقسم

يا حبي لك ..
بس من دون تهور ما نبغى نكسر و نعفس الدنيا .. بس تدرين راح انت تكسرين الأفكار السلبية الي شلتك و شلت حياتك ..
صدقيني فيه أمل و ربك كريم .. و بتدعين لي كثير ههههههه

أصلا لما تقرأين البرنامج و كلام الدكتور .. ماراح تحسين انو دكتور يتكلم ..
لا راح تحسين إنك انت الي تتكلمين ..
و حتى أول التقنيات .. بتحمسك و تحسين بشوية هدوء داخلك .. تحمسك إنك تكملين البرنامج .. هو بحد ذاته مو صعب .. بس يبي تكرار و إصرار بس .. إذا قدرتي على هالشغلتين .. راح تودعين الرهاب .. و بنسبة كبييييييرة .. بتسوين أشياء ما كنت تظنين إنو ممكن تسوينها .. بتجلسين مع الناس و انت مرتاحة أكثر من قبل .. بتروح اللعثمة .. و الخوف .. بشكل كبييير ..
بس هاه .. تتدربين .. ثم تتدربين .. ثم تتدربين ..
و أنا متأكدة انو النتائج الأوليه بتحفزك إنك تكملين .. و أنا أحس صراحة ..
إنك بتنجحين .. أحس عندك إصرار ..

و الله بترتاحين و صياحك في الحمام ما راح يرجع و رب العزة و الجلال و بحول منه و قوة ..

بس التغيير بيكون بتدريج .. يعني شوي .. شوي ..
لا تستسلمين .. و لا تقولين مامنه فايدة ..
لا أغكارك تحتاج وقت علشان تتغير و تتبدل ..
ربك كريم يا صاحبة الجواد .. و الشفاء أقبل .. فشدي همتك يا قلبي و الله معك ..