المشاركة الأصلية كتبت بواسطة صابره سنين

السلام عليكم ورحمة الله
مسا الخير ع الجميع ..

ماشاءالله المنتدى شايفته شي يفتح النفس كل واحد فيكم بيحاول يفيد الثاني كانكم بيت واحد ..
انا طبعا وضعي مثلكم بس انا الطرف الاجنبي يمنيه مقيمه في جده من مواليد المملكه .. سبب الحفظ التحاليل اني حامله انيميا منجليه ولست مصابه الحمدلله.. للان يمكن انا الي ضربت الرقم القياسي في المعاملات لي 4 سنين وكل مره تحفظ gfds والحمدلله على كل حال والله يا انو جاتني كل الحالات النفسيه الي تمرو بيها دحين وحااااااسه بكل واحد فيكم لحد النخاع .. والله حاله يعني الواحد يدور الحلال ويحرموه هما من عندهم لمتى هالوضع يستمر ماندري لكن حسبي الله ونعم الوكيل ..
عموما خطيبي قدم معامله في الاماره وراحت الداخليه بالرياض ورجعت الاماره وبعدها المحافظه والان تحولت من محافظة جده لشرطة محافظة جده وللعلم انو مقدمين مع المعامله تقرير يثبت انو الحامل للمرض ماله اي اضرار للزوج وللزوجه ولا ع الاولاد مستقبلا ولذلك لامانع من اتمام الزواج ومختم وموقع من الدكتوره والمستشفى من مختبر التحليل الاقليمي بجده .. وابغا اعرف شرطة محافظة جده هل تكون السبب في رفض معاملتي ولا تكملة اوراق لانو متابعه كم حاله في المنتدى كاتبين ممكن تكملة اوراق .. والله تعبت نفسيا حرام عليهم عقدونا
الله يسهلي ويسهلكم والف الف مبروك للي جتهم الموافقه الاخ شوكولاط الله يوفقك ويسعدك فحياتك ماشاءالله تفيد الكل وتساعد وتتابع حالات كتير جزاك الله الف خير .. والله فرحتلكم كانو الموضوع ليا وعقبالنا كلنا وباذن الله حتفرج

الاخ شوكولاط لو تسمح قولي اش التخمين او اش تعرف عن وضع معاملتي ابغا احد يكون عدى بنفس وضعي وياليت تفيدوني والله صار كل تفكيري في المعامله واتابع كل خبر يخص الموافقات صار عالمي كله محصور ع دا الموضوع لاحول ولا قوة الا بالله الله يعيينا بس