نفساني - عرض مشاركة واحدة - زواج السعوديه من غير السعودي ( الأجنبي ).

11-12-2014, 06:05 AM

اقتباس:

المشاركة الأصلية كتبت بواسطة هدوء جدة

السلام وعليكم ورحمة الله وبركاته الي عنده استفسار بخصوص معاملة الزواج مقدمة من شرطة العاصمة
راح ارد عليه انا حاضر لجميع إستفساراتكم

انا وصلت لشرطة محافظة جده ..
سير معاملتي بهدي الطريقه
انا الطرف الاجنبي مقيمه من مواليد المملكه وخطيبي سعودي
قدمنا للاماره وقدمنا معاه تقرير الطبي اخدناه من المحجر من الدكتوره مختم وموقع
يشرح حالتي تماما وانو مافيها اي ضرر عليه وع الزوج او الاولاد مستقبلا ولامانع من اتمام الزواج
ومن الاماره كانت الي ديوان الاماره الى الداخليه وفي الداخليه كانت كدا

حالة القيد: تحت الاجراء
رقم القيد:****** مكون من ستة ارقام
اسم سجل القيد : اتصالات ديوان الوزاره
الاداره الداخليه المحال اليها: ادارة شؤون الموظفين
جهة الوارد : شخصي
رقم اخر صادر على القيد :
تاريخ الصادر :
صدر لجهة :
رقم بيان تسليم الصادر: ********

جلست في الداخليه شهر وكم يوم
وبعدها احيلت الى امارة مكه بجده فتحت الموقع
كان مكتوب دوائر حكوميه وتحتها سهم الى ديوان الاماره
وبعدها احيلت الى محافظة جده (أ) الرئيسي .. اش دي اول مره اسمع عنها ا الرئيسي!؟
المهم بعدها احيلت الى الاداره العامه للحقوق للاجراء: بالتأشير
وبعدها احيلت الى شرطة محافظة جده برقم ******

هدي سير معاملتي طبعاً شفت من المشتركين كتير تختلف سير معاملتهم وان شاءالله معاملتي ماشيه تمام
لانو طمنوني البنات انو ان شاءالله تتسهل .. بس الي ابغا افهمه اش معنى الادارة العامه الحقوق للاجراء : بالتأشير!!!!!
وهل صارت الاوراق لازم وضروري تروح الشرطه عشان تكتمل ولا بس تطفيش وروتين!؟ ولا ايش بالضبط!؟

للامانه لحظة تفائل وهويام والباقين طمنوني جزاهم الله خير وان كنت تعرف انت معلومه تفيدنا كلنا ياليت تقول عشان نعرف !!!!