طلال العنزي

بيانات اضافيه [ + ]

رقم العضوية : 49460  تاريخ التسجيل :  12 2014  أخر زيارة : 20-12-2014 (01:59 PM)  المشاركات : 5 [ + ]  التقييم :  10

لوني المفضل : Cadetblue

عدة مشاكل

السلام عليكم ورحمه الله ..

بداية احب اشكر القائمين على هذا الصرح المريح ..

انا اعاني من مشكله بسبطه واكيد اغلب المتواجدين مرو فيها ولقو الحل ان شاءالله ..

انا اهملتها لاسباب كثيره ..
منها عدم توفر طبيب نفسي قريب ونظرة المجتمع لمثل هذي العيادات ..!

اعاني من الرهاب و المزاج السيء و العصبيه و الحساسيه الزائده في الامور التافهه حاولت احاربها عقليا واني اطنش لكن كل مالها تزيد وماتتصورون كيف تخرجت وكيف توظفت وكيف تزوجت الله لايحطكم في مثل عذي المواقف عانيت المُر و الارهاق والتعب والنفسيه المدمرة ..

بعد الزواج زادت مشاكلي مع زوجتي بسبب المزاج السيء والعصبيه المفرطه و مثل مايقولون الوجه العبس وين وين الين ما اضحك او ابتسم ..

الحين بديت افكر بامور سوداويه وسواس
ك الموت او اذا سقت السياره يصير حادث و امور كثيره سببت لي ارق

انام الساعه 4 او 3 الصباح واصحى الساعه 7.30 ع الدوام واظل مداوم الين 4 العصر واطلع والنوم مافيه الين الفجر ..

انا اعمل في مكان يجبرني احتك مع مراجعين كثير والي يجي نفسيته زينه اكون شبه متعاون معاه والي يجي معصب هنا تخرب عندي واكون معصب ونفسي براس خشمي .. واغلب وقتي في الدوام افضل اكون لحالي لاني كل وقتي في مزاج سيء و عارف اني راح اسبب مشكله سواء مع مراجع او زميل او حتى مع مدرائي ..



نرجع لمحور حديثي

انا قريت عن ادويه كثيره للرهاب وغيره وناس كثيره تشافت منه لكن ماقدر اشتري الين ما ابحث عن الدواء الفلاني واذا عزمت على اني اشتريه لو اقراء موضوع واحد يذم فيه هذا الدواء اكنسل الموضوع كله ..

لا صار في عزومه قبلها بكم ساعه اخذ دواء اندرال 40 ملجم .. واحس في تحسن كنت اخذه في مثل هذي الامور لكن الان احس مافي تغير لو اخذه ..

بالمختصر يا اخواني و اخواتي ..

اتمنى يصرف لي علاج يكون متوفر باغلب الصيدليات .. كثر مايكون حلو لتخفيف او علاج الرهاب كثر مايكون مهم و ممتاز لعملية تحسين المزاج ..


مزاجي السيء يضعني في مواقف محرجه و مشاكل في عملي او حتى في بيتي وانا ماكتبت الموضوع الا وانا صدقا اتمنى اني انهي مشكله هذا المزاج

قريت عن علاج اللوسترال مع الاندرال

لكن الي خفت منه في بعض المواضيع ان اللوسترال الي موجود في الصيدليات السعوديه سيء و لاينهي مشكلة المزاج السيء
و ان بعض الادويه مثل السيروكسات اذا ماخاب ضني هذا اسمه انه سيء على امور المعاشره الزوجيه و ان له اعراض جانبيه تتاخر كثيرا لذهابها



ف اتمنى من سعادتكم ابداء النصح و الرأي السديد
و لا افضل الادويه العشبيه ل كرهي الشديد لها
مع العلم بأني لا احب شرب المشروبات الساخنه
شاهي قهوه انواع الكفي .. الخ


ودمتم باتم الصحة والعافيه ..

المصدر: نفساني