نفساني - عرض مشاركة واحدة - زواج السعوديه من غير السعودي ( الأجنبي ).

20-12-2014, 06:38 AM

اقتباس:

المشاركة الأصلية كتبت بواسطة لحظه تفائل

الله يسلمك ياذوق بس نصيحه لاتفكري بالزواج بدون تصريح يعنى مستعده تجلسي 5 او 7 سنوات زياده كلها تعيشيها بخوف ورعبه
وانو ممكن يسفروكم او يمسكونكم ويقولوا وين اثبات زواجكم نصيحه خليكي بالسليم ولاتورطي نفسك وحاولى ان ماجات خلاص سلمى امرك لله
يمكن ربي مو رايد هالانسان يكون من نصيبك يمكن نصيبك افضل من كدا ويمكن ربي حط هالعقبه بطريقكم خيره لك
انتي دايما رددي دعاء يارب اذا فيه خير لي قربه واذا شر ابعد واتركي الباقي لله
بنفس الوقت تفائلي ولاتحبطي نفسك اعملي بالاسباب وتوكلي على الله
ترا كلامي دا كلللله من تجربتي السابقه والحمدلله انها كانت خيره لي وله وبعدنا عن بعض بعد سنه من خطوبتنا
والاندلسيه دي تزوجت قبل هالشروط دحين ضيقو وصعبو على اللي يبي يوثق وحطو غرامات وعقوبات
فانتبهي من هالخطوه انا اتكلم لمصلحتك مابيكي تتعذبي وتنحرمي من ابسط حقوقك وتعيشي في خووف

ويسلمك يارب..
طبعاً انا ماحقدم ع خطوه الا باقتناع مني ومنه وقبل دا كله استخرنا كتير فيها الحمدلله .. والخيره مو معناتها لو ماجت معامله وحفظت يعني هي دي نتيجة الاستخاره وانو ماينفعلي ويمكن فيه شي ، بالعكس الخيره ممكن توضح معايا فاي وقت مو حد المعامله وبس .. ويارب يكتب فيه الخير ليا ويكتبله الخير معايا ولو ع الانتظار 5 سنين معاه اهون عليه ولا انتظر 5 سنين بدون مااكون معاه ..
ولو ع العقوبات تختلف من مواليد السعوديه ومن مواليد برا البلد. انا مواليد هنا الحمدلله وكل اوراقي سليمه وسالت من ناحية دا الشي
وقالولي هي صعبه بس ماتوصل اني اترحل ولا زوجي ينسجن لاني مولوده هنا والغرامه ممكنه ويسير فيها استرحام.. والله لايكتب عليه ولا عليكم عذاب العيشه ولا حرمان ، وماحد عارف يمكن سبحان الله تتسهل والقى معقب كويس ويطلع لنا التصريح حتى لو بعد زواجي ..
وقريت كلامك من فتره عن تجربتك بس الحمدلله الخيره ربنا يسرلك هيا وشفتي الحل المناسب لكي والله يرزقك بشخص احسن وافضل منه
ويكون زوج صالح وابن حلال .. وادري انك خايفه ع مصلحتي وتسلمي وجزاكي الله الف خير ولعلمك انا مخطوبه ليا 6 سنين ومعامله لها4 سنين
وماراح أيأس وان شاءالله القى حل اهم شي ربنا راضي عن الشي الي حنسويه والحمدلله على كل حال والله يفرج همي وهم الجميع ❤️