المشاركة الأصلية كتبت بواسطة ولاء مبتعثه

انا قدمت ورقي شهر 7 السنه الماضيه و صدقوني نص الكلام هادا ما كان مكتوب ، نصيحه لك يا رب فرج قريب بعد التقديم اتصلي و راجعيهم كل اسبوع . لانه انا بعد 3 اشهر طلبوا مني اثبات انه مسلم !!!!!!!!! اللي استغربه الان كمان مشترطين يتحدث العربيه !!!!! حسبي الله عليهم لهذه الدرجه وصل فيهم التحكم بحياه الناس !!!!!

للان ورقي في وزاره الداخليه ومنتظره الله يستر ايش راح يصير . انا مبتعثه في اخر سنه ليا و الان شايله هم ياخدوها حجه ربي يسهلها ولا يعقدوها بأذن واحد احد :(

عندي 3اسأله لو احد يعرف اجابتها الله يسعدكم هما ما طلبوا مني تحليل و انا الان في كندا للدراسه . هل ممكن اعملها في الخارج لو طلبوها ولا هم مايطلبوها للطرف السعودي ؟
بالنسبه لخطيبي لا توجد سفاره سعوديه في الاكوادور و هو الان مقيم للدراسه في كندا معايا ، هل هيرسلوا الموافقه بأذن الله لكندا ؟ انا لما قدمت الاوراق كتبت انه في كندا و حطيت الفيزا تبعه ؟
وكمان انا سمعت انه لو ارسلوا الموافقه على السفاره يكون العقد في الخارج وبعدها استقدمه كزوج و لا يمكن يعطوه تأشيره و يعقد في السعوديه ؟




تحياتي