نفساني - عرض مشاركة واحدة

03-01-2015, 10:36 PM

السلام عليكم ورحمة الله وبركاته

بس حبيت افضفض شوي .. تعبت ونفسيتي تعبت من الرهاب
اتمنى اطلع زي الناس اضحك معهم اكل معهم اسولف
يوم الخميس اخذت علاجي واخذت ابرة فيتامين وكانت عندنا طلعه واقول بنفسي اطلع او لا
وقلت لازم اقوي نفسي واطلع وفعلا طلعت وتمنيت اني ماطلعت
مو قادره اسولف ويسولفون معي واحاول اخلص الموضوع بسرعه
ماقدرت اتقهوى وغصبتني وحده اخذ الفنجال ويدي ترتعش
وجا وقت الاكل وربي ماقدر امسك الملعقه واستغنيت عن الملعقه وقلت اكل بيدي وبصعوبه ارفعها اكلت مرتين وقمت ماقدرت ابلعها حتى
رجفه بشكل فضيع وتعرق بشكل واضح :(
ابغى اروح دورة المياه وانتم بكرامه مو قادره اقوم اولا مشيتي تصير مضحكه وغير متوازنه مااعرف اوزن نفسي مره الف يمين مره يسار كني خبله
ورعشه بالجسم وبالوجه انشلت حركتي وصرت جالسه وجودي مثل عدمه
رجعت وانهرت وبكيت ودعيت ربي يشفيني وكل من يعاني من هذا المرض ولااحد يذوق مرارة هذا المرض
والحمد لله زوجي واساني ويارب لك الحمد على كل حال
نفسيتي جدا في نزول مو قادره اطلع روتين ممل
تخيلوا شخص متعافي ومافي جسمه ولاشي بس مايقدر يمشي ولايقدر يتحرك ولايطلع
كاني بالمجتمع زيادة عدد .. لي امنيات كثيره
منها اتوظف ومنها التحق بدار تحفيظ ومنها اكمل دراستي واخذ الماجستير لكن الرهاب حطمني
والحمد لله الحمد لله الحمد لله
ربي اني مسني الضر وانت ارحم الراحمين

المصدر: نفساني