السلام عليكم
صباحكم خير وسعادة يارب
امممم امس وانا ابحث في قوقل عن حل لموضوعي المجعلك لقيتكم بالصدفة 3333444
المهم سجلت على طول ولما شفت التفعيل يتأخر قلت اجلس اقرا ردودكم اللي فاتت
لعل وعسى القى شي يخليني افرح واتفائل 87654
والحمدلله مرة اتفائلت لما شفتكم هنا يد وحدة

انا الطرف الاجنبي في الموضوع وخطيبي هو السعودي
تخيلو احنا من 3\1\2013 معاملتنا حفظت وخطيبي بحكم شغله
كل مايلاقي فرصة يسوي شي يسوي بس مافي فايدة لانه يسمع
كلام الناس يتنكد ويحطمني معاه..
امه تعبت معانا كتيييير بس مافي فايدة في جدة كل شي معقد اعوذ بالله

انا من مواليد المملكة وانا وهو عمرنا دحين 30 مخطوبين وحايسين من سنتين وشوية
مايقرب لي ولا حاجة قدمنا وكل حاجة وامورنا كانت اوكي بعد التقديم باسبوعين جاتنا
ورقة الفحص قالولنا افحصو وانا بحكم اني من الرياض ومافي عمده هنا ادانا ورقة
اضطر يجيب لي ورقة ويقول اني من جدة وعلى اساس كده جيت افحص في جدة
وطلع بالنتيجة انه انا حاملة انيميا منجلية نسبة 5% ورفضو يسلموهم النتيجة
قالو عشان فيها ملاحظة احنا نرسلها للمباحث وفعلا رسلوها واول ماراح خطيبي
يراجعهم في الموعد قالوله المعاملة حفظت.
طبعا قعدنا شهرين مصدومين من النتيجه والنفسية دماااار وقرر يروح لامير جدة
مدري كدا اسمه والا ايش =)
المهم قالو والله مابيدي شي انا وكدا فجلسنا ندور واسطات مدة سنه ونسمع الارقام
المهولة من المعقبين وهو على قد حالو صعبة يدفع دي الارقام
فيه معقب قال لام خطيبي خليها تسوي خروج نهائي وسوو معاملة خارجية
وتروح بلدها ويتزوجو هنا طبعا انا رفضت لان النظام هنا ماينضمن اخاف
اروح وبعدين يغيرو انظمتهم ويزودو عمر السعودي وفعلا وقتها طلع
قرار انه السعودي لازم يكون عمره 35 سنة ..
قبل شهرين سوو خطاب استثناء لوكيل الوزارة في جدة بس ماقابلوه
وكنا متحمسين قلنا بس دي المرة حتزبط وبرضو صدمونا بالنتيجة
انهم قالوله حسب التعليمات..

قبل شهر قالتلي ام خطيبي ملكو بدون موافقة وبعدين فيه معقب
حيصحح وضعكم في اقل من شهرين ابويا خايف وانا كمان صراحة
وحتى خطيبي يقول خايف اغامر ونورط بعدين..

قررنا نقدم في الرياض من جديد بس حابة تقولولي في احد زي
وضعي ومشيت معاه ..؟

معليش طولت بالكلام بس عشان تفهمو الوضع بالتفصيل