|
د. سلطان أو اي دكتور بس أبي حل ....
مرحبا دكتور
أولاً : السلام
ثانياً : تحيه وإكرام
ثالثاً : لساني مفروط ..
رابعاً : مالحل ؟؟
دكتور ...
راح أقول لك موقف صار لي اليوم وأنا لحد ألحين ضميري يأنبني من لساني المليقيف ..
إللي صار .. زارونا بنات خالتي وذلك لتعزيتنا بأبنة عمي المتوفاه ... وكانت زياتهم بالنسبة لي مفاجأه ..
حيث أنهم جاءو وفي وسط الأسبوع وهذا أمراً غريب بالنسبة لنا وذلك أننا أعتدنا على زياتهم في نهاية الأسبوع وفي يوم الجمعه وخاصة أن التعزيه في (بيت عمي) وليس في بيتنا .
وبكل بساطه أناظرهم وأقول لهم (يعني أنتوا ألحين جايين تعزون)
حسيت أن مالمحهم تغيرت ووجيهم تلونت من طريقة أسلوبي وبعدين فكرت في الكلمه ولقيتها غلط ..
بس صدقني يا دكتور والله ما أقصد لهم الأحراج لكنها تطلع عفويه ولأن هذا أسلوبي (مستفز) في بعض الأحيان بس ما أقصد الأهانه والله العظيم ما أقصدها ..
وفي مواقف كثييييييييره مو بس هذا الموقف و أنا إللي أروح فيها ...
مثلاً <<موقف ثاني
أنا أقترحت على أبوي وقلت له أن بعد ما أخلص من الثانويه راح أشتغل ومابي أدخل الجامعه وأبوي مصر أني أخذ الشهاده الجامعيه وبعد أصرار مني .. قال لي : بعد سكوت خليني كم يوم
قلت له : بتفكر
: قال لي : أيه
قلت له : ليش أنا جايه اخطبك ..!!
والله موقف محرج بالحييييل
أنا قلتها للدعابه بس حسيتها غلط من نظرات أبوي الغاضبه
المشكله .. أني ما أتعلم من الغلط إللي صار .. أعاتب نفسي وأقول بيني وبين نفسي خلاص بعالج هالمشكله وما راح أكررها .. وما في فايده في اليوم الثاني على طول أتسبب في أحراج البنات
دكتور ساعات ما أنام الليل من التفكير والعتاب ..
مدري دكتور عندك حل يساعدني ؟؟؟
شاكرة لكم
حفظكم الله وأيدكم
|