|
مشكلتي ارجوا الدخول من الجميع
السلام عليكم اخواني.
انا اعاني من مشكلة قديمة ولم اطرحها نهائيا في المنتدى لان اللي اكتبه دائم عن الرهاب بحكم انه شغلي الشاغل والمشكلة الرئيسة.
المشكلة التي اعاني منها. هي اذا سافرت الى خارج المملكة للسياحة لكي ابحث عن الراحة والسعادة يأتي على بالي الاشخاص المساكين اللي مايستطعون السفر ولا حتى يجدو قوت يومهم. واحيانا اذا زاد راتبي بالعمل افرح ثم اذكر فلان من اقاربي راتبه زفت واتذكر اولاده الصغار مايقدرون يشترون الملابس ولاعندهم وسائل ترفية وتسلية. ثم اتعب نفسياً.
اختي الصغيرة دائم تبلشني وتقول اشتر لي جوال جديد. مثل ايفون 6 بصراحة انا احاول اكذب عليها واقول ماقدر مامعي فلوس لان اذا شريت لها اشيل هم البنات من اقاربي اللي حالتهم المادية ماهي زينة يشفون جوال اختي ويتحسرون لان مايقدرون يشترون مثلة. ويتقطع قلبي. دائم في ناس من اقاربنا حالتهم المادية تعبانه اذا زارونا انا اركز على ملابس اولادهم وبناتهم الصغار واشوفها مكرر دائم يلبسونها. ويتقطع قلبي واتعب نفسياً.
الشي الثاني هو دائم افكر بااللي حولي اخاف يصير لهم مشكلة صحية مثل ان يصيبه عمى او خسارة بالوظيفة او حروق بالوجه ودائم اشيل هم انن اخاف راح يصير لهم هالشي واتذكر الموقف واعيش تفاصيلها بالتذكر ويتقطع قلبي.
تكفون ياخواني واخواتي تخبروني بمشكلتي هذة ماذا تسمى بالطب النفسي. امنتكم بالله ابغى اللي يرد يعرف المشكلة هذة زين
علماً ان المشكلة هذة اعاني منها قبل مااصيب بالرهاب
والله لايوريكم مكروه
|