شوفي يا حنونتي
يمكن حدا يحكيلك بحبك ...وتنبسطي فيها..بس مو هاد المهم
مو مهم انك تسمعيها..المهم انك تحسيها ...
ويمكن ما حدا يحكيلك هالكلمة..لأنه رح تحسي فيها لحالك من طريقة التعامل..
من الإحترام والتفاهم هيك بيولد الحب..
وهيك بستمر...وهيك بكبر...وبكتمل معناه
لأنه الحب احساس اكتر من انه يكون كلام ..
وطبعاً بتضل كلمة( بحبك )حلو نسمعها لانها تتويج لعلاقة راقية وسامية..
والها رونق خاص..وتأثير جميل في النفس
في مراحل المراهقة..بكون الإنسان مشاعره اللي بتحكمه
وبفكر بعواطفه وبقلبه وتفكيره بكون محدود...
ولكن لما العمر يتقدم..الإنسان بصير يدرك انه الحب مو بس بالقلب وبالعقل كمان
وهون بقدر الواحد يميز اللي بحب من قلبه واللي ما بحب من قلبه
لانه التفكير بكون ناضج وما بنجر الواحد وراء مشاعره ..لانه بكون في كنترول على حالو
واذا كان في غلط بالماضي نتيجة جهل ومراهقة ..اكيد مارح يتكرر بالمستقبل..
في حب بعيش..وفي حب بموت..وفي حب بخيالنا بس
ولكن دائما الإنسان بحاجته..لانه الحب مصدر قوة وعطاء وراحة
وشي طبيعي ينعكس هالشي على النفسية.. لانه الحب اساس كل شيء
واكيد الناس اجناس
في الكويس وفي العاطل
متل مافي خير وفي شر
وفي ظالم وفي مظلوم
وفي صادق وفي كاذب
وفي ناس بضمير وناس بلا ضمير
مشان هيك بتلاقي ناس بتحب من قلبها وناس لاء
واياكي تفكري انه الفشل في الحب خسارة
بالعكس انتي هيك بتكسبي سلامة نفسك
وبتحفظيها وبتحميها من انسان ما عرف قيمتها
وما قدر يصونها
والأقدار مكتوبة والحمدلله على كل حال
ودمتم بخير وحب
ESWVG