مغدور الايام

بيانات اضافيه [ + ]

رقم العضوية : 6155  تاريخ التسجيل :  04 2004  أخر زيارة : 08-03-2010 (06:22 PM)  المشاركات : 23 [ + ]  التقييم :  10

لوني المفضل : Cadetblue

قصتي انا واخوي

بسم الله الرحمن الرحيم

اخواني الاعضاء

السلام عليكم ورحمة الله وبركاته وبعد....

بحكي قصتي لكم و ابي منكم تردون علي هو انا صح او خطا ...
انا شاب عمري 25 سنه وابي ارجع شوي ورى لعمري 15 سنه يعني عز المراهقه كان ابوي يدلعني ويحبني على الناس كلهم حتى على اخواني بس ما كان يبين لحد عشان ما يجرح اخواني طبعا انا ترتيبي بين الاولاد الثاني والعائله الخامس المهم اني كنت اخذ اللي ابيه من ابوي ما يقولي لا ابدا وكان ياخذ رايي في اي شي ودايم يتكل علي في مصالحه الشخصيه ويحب يضهر بي عند الرجال ويمدحني عندهم .. بالعربي كان متولع فيني ويرى فيني بوادر الرجوله من بدري ... استمرينا كذا حتى كان يوم الاربعاء 21/7/1421 في ذاك اليوم صحيت من النوم الساعه8 الصباح ونزلت الدور الارضي عشان افطر وروح للدوام ولقيت الطامه العظيمه لقيت امي تبكي واخواني الصغار يبكون كل البيت يبكي حتى الخدامه قلت وش فيكم قالو ابوك ماااااااااااااات انا من الصدمه ركضت لغرفته ما لقيته رحت للمجلس لقيت اخوي الكبير ومعه رجال جالسين قلت وين ابوي قامو يمسكوني ويهدوني وانا كاني في حلم واقول وين ابوي قالو في المستشفى قلت كيف في المستشفى البارح جالس معنا ونمت وهو رايح ينوم كيف تقولون في المستشفى قالو جته ازمه قلبيه و وديناه المستشفى ومات هناك قلت ودوني له طلعت و معي واحد من عيال عمي ووداني وصلنا للمستشفى وطلعوه لي من الثلاجه وانا ماني مصدق لقيته فعلا ميت التفت لولد عمي وقلت اليوم هذا بدت الحياه الصعبه .. رحنا دفناه رجعنا البيت ومسكة اخوي اللي اكبر مني وكان هو متزوج وساكن في بيت في اخر الحاره قلت ارجع لخوانك وامك هم في حاجتك كثير انا ما اتحمل المسؤوليه لاني كنت ما اعرف شي في امور البيت وطبعا كنت شبابي راعي سهر مع الشباب وطلعات وسفريات يعني ما اصلح ادير البيت واخواني وعمري صغير 21 سنه المهم اخوي ما يقدر يعصي حرمته ابدا رفض الفكره وقال انا بصير اجي كل يوم واجلس عندكم من الظهر لين الليل .. حسيت منه انه ما يبي يتحمل المسؤوليه . صار يجي العصر لين العشاء انا بقيت حزين على ابوي مثل حزن الزير على اخوه كليب . سنه كامله وانا ابكي لين اتعب وارتاح شوي ورجع ابكي قطعت علاقتي بالناس كلهم اصابني اكتأب وبعدين رهاب .. اخوي كان حاقد على حب ابوي لي والدلع وحب الناس لي المهم بدا ما يسوي لنا شي الا لين ياخذ اذن زوجته صار يستهزي فيني ويعايرني بالرهاب اللي فيني وانا صابر عليه وصار يضرب اخواني على كل شي ويزعل علينا وهمه زوجته وبس.. صار يتكلم علينا عند زوجته ويهينا بحضورها . انا طفح الكيل عندي من الظلم اللي اشوفه علي وعلى اخواني وامي تكلمت معه انه يخاف ربه في اليتاما اخوانه ماسمع ارسلت له ناس يكلمونه مافيه فايده المهم اخذت مسدس( لا تفكروني اهابي) المهم هددته انه اذا تعرض لخواني وامي او تدخل فيهم بقتله . هو خاف مني يحسب اني مجنون
ولا عاد شفته ولا هوب علينا اصلا ما عاد يسأل علينا حتى . ارتاحو اخواني وامي منه من شره وصرت انا المسؤول منهم واحسنت فيهم


معليش طولت السالفه لكن ابيكم تردون علي بصراحه هل انا اخطيت ولا صح لاني ضميري معذبني لانه ما عاد يسأل علينا ولا نشوفه حتى ..افيدوني وانا اثق فيكم......
ودمتم في رعايت الله....

المصدر: نفساني