السلام عليكم ورحمة الله
ارجووكم ساعدوني انا بهم وغم مايعلم فيه الا الله
وصلت لمرحلة ماعاد اتحمل خلاص انجنيت لدرجة اني ابكي بكاء هستيري راح اقولكم معاناتي
قبل فتره شعرت بالام بالصدر والذراع ومااهتميت بس قلت بدخل قوقل واكتب الاعراض
يوم كتبت تفاجئت من الاعراض انه مرض خطير ومن هذا اليوم وانا اصبت بحاله هستيريه حاله شبه جنون عزلت نفسي عن اهلي وصرت كله بغرفتي و24 ساعه بقوقل اكتب واقرا عن الاعراض لقيتها كلها فيني
وصرت مكتئبه وابكي طول الوقت ااروح عند اهلي بالصاله اجلس ربع ساعه واروح غرفتي مرة ثانيه وابحث في الانترنت مرة ثانيه يمكن القى شي يريحني .. لاكن دون جدوى
والله اكتب لكم وقلبي يتقطع اتمنى ارجع كما كنت ارجع على طبيعتي
احاول اقنع نفسي ان هذي وسواس وارجع على طبيعتي بس عشر دقايق وترجع لي الحاله كل ماحسيت بالم بصدري وايدي تزيد الافكار واقول هذي اكيد من الاعراض الي لقيتها بقوقل وابكي واحرم نفسي عن الاكل وتنسد شهيتي واصيب بغثيان اول مااصحى من النوم كل شوي اوقف قدام المرايه اشوف جسمي واتحسس وابكي واحس بالام واقول اعراض المرض صار جسمي كله يعورني عظامي الكبد عظامي بطني فخذي وكل راسي صداع ويالمني وصرت مااهتم بنفسي نهائيااااا لا اهتم بمظهري نفس قبل تغيييرت
والله فقدت عقلي عقلي طاار
صرت ابي اروح المستشفى بأي طريقة
امي مسكينه والله تعبت من حالي اهلي كلهم تعبو مني
كلهم كلموني وحاولو يهدوني لاكن كل مااتذكر الاعراض الي قريتها ومطابقة علي ادخل بحاله هستيريه وبكاء والله اني بهم وغم مايعلم فيه الا الله ابي ارجع مثل اول والله اتذكر قبل كيف كنت وابكي اتمنى ارجع
لما يجي الليل اصلي قيام الليل واقرا وادعي الله انه بس لما انام واصحى من النوم اشعر بضييق شديييد واتذكر الي قريته بالنت واشعر بغثيان ورجفه شديده والاختباء تحت اللحاف وانسداد الشهيه
والله جبت حق امي الضغط امي كبيره بالسن ومعها ضغط واتعبت مني احاول اتغير عشانها بس والله اني حاولت ولم استطع تعبت تعبت تعبت حتى شعري يطيح بشكل موطبيعي
تكفوون تكفووون تكفوون ساعدووني
حالي راح يوصلني لمرحلة الجنون
الله يخليكم ساعدوني اكتب لكم ومابقى مكان بجسمي إلا عورني
والشيطان اشتغل علي حاولت أغلب عليه بس يرجع لي ثاني مرة