المشاركة الأصلية كتبت بواسطة أفنان فيصل

السلام عليكم ورحمه الله وبركاته كيفك ياحلوين طمنوني عنكم

الحمد لله أمس تم عقد قراني .. لمن نزل زوجي ولا خطيبي المهم ___ ياخد موعد من المحكمة بالمدينة عشان العقد قاله الموظف معاملتك جاهزة . بس جيب شاهدين والزوجه ارتبك مرا كثير لانه ماكان معاه اهله ولا احد بس الحمد لله ربنا سخر لنا ناس طيبة وتمت الامور والعاقبة لكم يارب ربي يسعدكم ...

المشاركة الأصلية كتبت بواسطة أم سليمان

والله حبيبتي انا نفس حالتك والله
وللاسف محد من الاخوات يلي قبل كانت حالتها غير مقيم وذكرت الخطوات مفصلة
يلا باذن الله انا وانتي وفوفو نور وسارة محمد نكتبها
واذا في احد عنده خلفيه لغير المقيم ايش الخطوات بالداخلية ياليت يساعدنا

المشاركة الأصلية كتبت بواسطة حكايه

اسمحيلي بالتعليق ع كلامك
انتي غلطانه
لو الشرطه ماوافقت الموافقه المبدئيه ولقت كل الشروط موجوده ماتستلم المعامله ولا بيرسلوها للاماره
الشرطه اكبر هم بالنسبه للمعاملات دي والخوف كله منهم لو في نقص في الاوراق مايستلمو المعامله
اما الاماره تمشي بالإجراءات والمواليد تنتهي معاملاتهم من الاماره وتصدر للمحكمه ع طول من سير المعاملات بتعرفي ازا دخلت لمكتب الوكيل ف انتي ماشيه صح
والغير مواليد تروح للداخليه طبعن ازا كان مقيم وكانت موافق عليها ترجع للاماره وبعدها المحكمه
اما لو كان غير موافق عليها ترجع للاماره والشرطه والحفظ
اما غير المقيم ازا موافق عليها تروح من الداخليه للخارجيه ل إكمال باقي الاجراءات في السفاره

المشاركة الأصلية كتبت بواسطة يارب يسر امري

كلام هويام صح وكلام حكاية صح


كلام حكاية صح انو الشرطه هي الهمممم الاكبر في مسار المعاملة وطالما عدت من عندهم بخير هدا لووحدو انجاز

وكلام هويام صح انو مهما سوت الشرطه برضو ماااتقدر ترسل اي معاملة للمحكمة زي مهي فاهمة طال انتظاري دي معلومة غلط
حتي لو وافقت الشرطة دي خطوة ايجابية وحلوة مره بس بررررضو مسيرها تروح للامارة اما ترجعها تاني للحفظ زي ماسار فيا بسبب العمر او تحولها للمحكمة وخلاص


الجهه المختصه بتحويل المعاملة للمحكمة هي الاماررررة فقط حتي اللي يتوافق عليها من الدااااخليه مو بس الشرطة ترسلها للامارة عشان بعدها الامارة ترسلها للمحكمة

بالتوفيييق يارب للجميع