أخوي العزيز والمحترم عيسى الشهري
اودي أني اذكر عدة نقاط بأختصار :
أولها اخوي عيسى لو قريت كلامي أنا ما كبرت الموضوع وبما أنك طالب طب أحمد الله أنك طالب طب يعني أنت تايد كلامي أن أغلب الاطباء ما عندهم سالفه وما يدرون وش الاسباب اللي نتعرض لها حنا والدليل اخوي عيسى انك ما اخذت بكلامهم واخذت علاج السيبرالكس وقاعد تعالج نفسك بنفسك وأنا ما قلت الكلام هذا الا من واقع تجربه والمثل يقول التجربه خير برهان أبي أي شخص يعاني من المشاكل هذي نغزات دوخه وسواس أي كان موت الم قلب ضيق نفس رهاب هلع اكتآب يفحص ويقول ما طلع عنده التهاب معده وقولون بشرط انه أخذ منظااااااااااااااار وغير المنظار مالي كلام .
ثانيها اخوي عيسى اذا ما طلع عند الواحد التهاب اعرف أن الشخص اللي يعاني من الاعراض فيه نقص بعض العناصر أو الهرمونات عنده واسبابها النحافة وبما أنك تقول عالجت نفسك فأنا اقول ان عندك نقص في بعض العناصر أو يكون فيك عين لا اكثر ولا اقل .
ثالثها اخوي عيسى
أنا ما كتبت الموضوع هذا بكبر منه لا والله الذي لا اله الا هو ابي الناس ما يقعدون يا خذون علاجات نفسيه ومشكلتهم التهاب في المعده والقولون لأن اقول وبالفم المليان العلاج النفسي يخلي الدماغ يرجع لطبيعته كأن الجسم ما فيه أي مشكله والتهاب راح يزيد وبالحالة هذي صدقني أي واحد ما راح يترك العلاج النفسي مهما كان اذا ما قضى على اللتهاب اللي فيه يعني مع العلاج النفسي يعالج اللتهاب .
رابعها : أنا ما راح ارد على أي شخص الا اذا كان فاحص واخذ منظااااااااااااااااااااااااااااااااااار حتى يكون الحوار هادف ولك قبله على الراس .
خامسها ـ: القرآن شفاء وأنا ارفض أي علاج ياخذه الواحد قبل ما يرقي نفسه ويقراء القرآن لأنك تعرف اللي منزل المرض هو الله سبحانه يبتلي عبادة ويشوف مدى صبر الانسان والعين والسحر مذكور في القرآن فلو الواحد مثلاً جايه عين وسببت له اصابه كسر في رجله هل تقعد تقراء مثلاً عليه لا لازم تفعل السبب اللي هو انك تقراء على رجله وياخذ علاج حتى العلاج يعجل بالشفاء مع القران .
أسأل الله العظيم رب العرش الكريم أنه يشفيني ويشفيك وكل مسلم اللهم آمين