أخوي الغالي
عيسى

انت كاتب قصك في احد مواضيعك وتقول جاني وسواس الموت إلى اخر قصك وتقول تشافيت منها الله يتمم عليك والحين تقول
ما تشكي من شي بس تقول عندي مشكله إذا اكلت بقوليات او عدس والناس الضعيفين قاعدين يشتكون لك على أن عندك علم وأنت الله يهديك تشخص حالاتهم ؟؟؟؟؟
تدري ليه عندك مشكله اذا اكلت البقوليات والعدس الا وراء ما اقول هذا وسواس لأن عندك تحسس في بعض الاطعمه جسمك ما يقدر يمتصها والدليل انك تشعر بالم منها .
وللعلم من أعراض القولون التحسس في بعض المؤكولات .

اخوي الكريم عيسى من خلال كلامك وتشخيصك للناس عرفت انك ما تعرف الفرق بين الوسواس والحقيقه اعذرني مع احترامي لشخصك أنا اقدر ادخل النت واكتب تعريف الوسواس الــــــــــــخ واتفلسف على اني عندي علم وفاهم بس انا حاب اقولك الفرق بين الوسواس والحقيقه من واقع تجربه عايشتها .

معنى الوسواس هو مخاطبة النفس اسوي ما اسوي سويت الشي الفلاني ما سويت فلان فعل كذا فلان ما فعل كذا بي المرض الفلاني ما بي المرض الفلاني يمكن اموت اذا اكلت هذا وتكرار الوضوء والصلاة اكثر من مره ووااا هذا هو الوسواس .

والحقيقه: هي الشي اللي تحسه وتشعر فيه وتشوفه مثل ضيق التنفس كتمه الدوخه نغزات بالقلب وغصه بالحلق والاكتآب والرهاب والهلع وسواس الموت اللي يحس الشخص حقيقه من الم أنه راح يودع وصداع وباقي الاعراض اللي ذكرتها في بداية موضوعي هذي لها اسباب الله يحفظك بس الاطباء الى الآن ما يدرون وشي لأن الفحوصات بينت لهم أن الجسم سليم ظاهريا ً والصحيح أن الجسم غير كذا فيه مشكله .
وأنا من واقع تجربه مريت فيها واراهن عليها أن الاسباب هذي مشكلتها اللتهاب بالمعده والقولون ومتى ما راح اللتهاب راح تروح جميع الاعراض أياً كانت .

اخوي عيسى انا ما اقدر اشخص الحاله الا اذا كنت مريت فيها وعايشتها وجربتها .
أسألك بالله
لو يخيرونك ويقولون لك
علاجك عند دكتور ما جرب الحالة اللي مر يت بها انت وقال هذا علاجك تاخذه .
أو دكتور مر بنفس حالك وقال هذا علاجك ما تاخذه .

أكيد راح تاخذ الدكتور اللي مر بنفس بحالك .

وحاب انبهك في بعد احد مواضيعك كاتب ان الشيطان يجري في ابن آدم مجرى الدم وانت فسرته على انه هذا الشيطان اللي يوسوس بالانسان وهذا اكبر خطأ والصحيح أن العلماء فسروا الشيطان هذا هي الجراثيم والميكروبات اللي تمشي بدم ابن آدم.

وأخيراً اخوي العزيز عيسى هذا رابط بس يبين لك الناس اللي يشكون من القولون في اخر المقال شف وش مسوي فيهم
http://www.alnoor.se/article.asp?id=536
وتبي تعرف صحة كلامي ابيك تسأل أي واحد عنده التهاب بالمعده والقولون ولا يشكي من الاعراض هذي والاعراض هذي ما تكون كلها موجوده الا اذا زاد اللتهاب نفسه
وبعد اللي عنده جرثومة معده ابيك تسأله وتأكد .

وأتمنى اخوي كان الاعراض هذي فيك اللي ذكرتها فوق تروح بس ولا تقعد تلعب على نفسك ولك فائق التحيه والتقدير.