هلا بك اخوي طبطب
صباح الخير
بالنسبة للعلاج امبرازول 20 خفيف
أنا ما أفضل تاخذه ثلاث مرات راح يسبب لك أمساك وباقي الاعراض اللي ذكرتها لك من قبل خذه مرتين قبل الاكل
أنت تقول ارتحت الحمد لله والدوخه اللي تجيك بسبب نقص العناصر عندك
يعني مشكلك كلها بالمعده وقايل لك اخوي طبطب والله حتى كل اللي يعانون من الرهاب والاكتاب والوسواس والهلع من المعده والقولون بس ما يدرون
المهم
العلاج
أفضل لك تاخذه مرتين قبل الاكل بنصف ساعه تدري وش فايدته هو يخفف من افراز المعده علشان المعده تبني نفسها من جديد هذي فايدته لكن كثرته راح يسبب لك امساك بسبب قل الحمض اللي دوره انه يساعد المعده على الهضم وقتل الجراثيم تدري الحمض هذا مثل المويه حقة بطارية السيارة وأشد يعني لو تحط اصبعك في حمض المعده راح يحترق بس سبحان الله المعده الله مخلي جدارها ما يتأثر الا اذا حصل خلل .
شف بالنسبة للنقص اللي فيك تدري وش اسبابه اللتهابات اللي فيك يعني متى ما راح اللتهاب اللي تسبب بنقص افراز بعض الانزيمات عندك راح تروح الاعراض اللي تشعر فيها .
اخوي طبطب تدري وش سبب انك عندك مشكله مع مشتقات الالبان
لأن أمعاءك ما عندها القدرة على استيعاب وهضم كمية كبيرة من اللاكتوز. وسبب هذه المشكلة هو نقص عندك في إنزيم اللاكتاز واللي تنتجه خلايا في جدار الأمعاء الدقيقة. ويجزء لك سكر الحليب الى جلوكوز وجلاكتوز وبكذى يسهل امتصاصه في الدورة الدموية وكل ما كبر الشخص يقل الانزيم هذا في الامعاء الدقيقه والغليظه وبعدين تطلع عندك اعراض الانتفاخ البطن، الغازات، آلام البطن، الغثيان.
وهذا يدل على ان عندك مشكلة في القولون اخوي طبطب .
شغلات طويله لو ابقعد افصلها لك تتعب لكن هذا اللي يفيدك منها
وبالنسبة للفيتامينات المصروفه لك مثل ما قلت لك الكالسيوم جرب لك الزبادي قليل الدسم اخف من اللبن والحليب مثل زبادي اكتيفيا وحليب الصويا تلقاه بالصيدليه افضل من الحبوب .
وفيتامين د3 مثل ما قلت لك الاسماك والخضار راح يعوضك .
شف حاول تسجل بالسكايبي وبأذن الله راح اتصل عليك وابلغك وش تسوي بالضبط وراح تطيب بأذن الله
الحديث هنا راح يطول وترا انت اول واحد اقعد افصل له حالته لكن من باب المحبه في الله قعدت افصل حالك مع العلم أني المفروض ما ارد على احد حتى الكل يشارك واللي يبي أي سؤال بعدين انا حاضر .
ومثل ما قلت سجل بالسكايبي وراح اعلمك وش تسوي بالضبط وما يحتاج تروح لأي دكتور بأذن الله .