انا راح اجاوب على الاسئلة اللي ما هي مكرره
وراح انزل جميع الحوارات اللي بين وبينك والاخوان لهم عقول ويعرفون الصح والخطأ والهدف مصلحة الجميع يعلم الله وأسأل الله انه يجعل ما كتبته خالصاً لوجه .
هذا أول حوار دار بيني وبينك
اخوي ربي يحبك
انت ليش متأكد انو لازم يكون التهاب بالمعدة والقولون عشان انت طلع عندك التهاب لازم البقية يكونوا نفس المشكلة ، وليش تصر انو لازم يكون في شي ، انا اعراضي كلها في الجهاز الهضمي وعملت منظار قبل سنة ولا طلع في شي واخذت خزعة من المعدة ولا في جرثومة ، ومع هذا أخذت علاجات ولا في فائدة يا اخي اكثر اعراض تتأثر مع النفسية الاعراض الجسدية ، والأطباء يقولوا 50 في المية من الحالات الي تجينا مالها سبب عضوي ويكون الاعراض نفس اعراض القرحة والتهاب في المعده بس في الفحص المنظار ما يطلع شي، حتى اعراض القولون من التفكير والقلق.
أخوي محمد المتفائل
الشي الأول :
أنت ذكرت لي اعراضك وشخصت حالك وقلت لك فيك كذا وطلع كلامي مو صحيح من الاساس هذا اول حوار يدور بيني وبينك .
الشي الثاني :
أنت الحين تقول لي انك فحصت من زمان واخذت منظار ولا طلع معك شي ؟؟؟؟؟؟؟؟؟؟؟؟؟؟؟؟؟؟؟؟؟؟ والله غريبه طيب ليه من الاساس تاخذ علاج للمعده
الا أن فيه مشكلة في المعده عندك.
هذا يدل على أن عندك مشكله في المعده أو القولون .
الشي الثالث :
انت قمت وفحصت المعده وماطلع معك شي سبحان الله والدكتور صرف لك علاج للمعده ما ادري الدكتور يبي يعطيك العلاج علشان يجبر خاطرك والا ان فيه مشكله عندك و هل كملت باقي فحصك وفحصت القولون صدقني ما فحصت ؟؟؟؟؟؟؟؟؟؟؟؟؟؟؟؟؟؟؟
الشي الثالث :
اخوي محمد علشان تكون بالصورة فيه مثال ضربته أنا علشان ابسط الفكره له في موضوع كاتبه واحد ورديت عليه أنا وراح انسخ الحوار كامل مو المثل لحاله واعيده لك هنا اتمنى تقراه وتفكر بعقل وبعدين لك حرية الاختيار وأنا بدروي عطيت كل شخص قلت فيك كذا نصف العلاج والباقي عليه يروح للطبيب ويصرف له العلاج المناسب وللعلم التشخيص الصحيح نصف العلاج .
وأنا من هنا أبغاك تشوف ردودي على أي شخص شخصت حالته ولا طلع فيه نفس كلامي انا مستعد للي تبيه واقسم لك بالله العظيم ما راح اكتب بالمنتدى هذا نهائيا ً.
اتمنى تقرا ردي على موضوع احد الاعضاء هناء وتتمعن بكلامي زين لعلك تستفيد والهدف ما بي الا جر منك ابيه من الله لو ابغى الدنيا كان اقول لكل شخص اعلمه وش فيه ما راح اعلمك الا بمبلغ وقدره لكن ابي اجري من الله الله يأجرني على ما سويته ويعوضني لما هو خير لي واترك مع ردي لبعض الاخوان
وهذا ردي على
أخوي ميدو المدني
أهنيك على اصرارك في مواجهة مرضك بس فيه حاجه أعتقد أنك ما بحثت أنت عنها بنفسك وهي اللي الى الآن ما بعد سويتها
سؤالي بما أنك تشعر بالاعراض اللي أنت ذكرت وفحصت ولا طلع فيك شي أسألك بالله العظيم هل رحت وفحصت المعده والقولون عندك ولا طلع فيك اللتهاب طبعاً لا
اخوي ميدو المدني
أنت تدري أن 90% من اللي يشكون الاعراض هذي جميع الاطباء اتحدى أنهم يدرون عنها لأنهم ما جربوا الشي هذا وبالحالة هذي يقولون مرض نفسي
شف وقدام مراقبين المنتدى والمشرفين والاعضاء والزوار أنا اقول اللي فيك اللتهاب بالمعده والقولون لأن سبحان الله اذا تأثرت المعده والقولون خلاص راح يضطرب الجسم كله
تدري ليه .
لأن أكثر الاعصاب موجوده في المعده والقولون وهم المسؤولين في توصيل الغذاء وهضم الغذاء عن طريق افراز الانزيمات الموجوده فيهم واللي تساعد في تغذية الهرمونات والدماغ واذا حصل اللتهاب فيهم حصل اللتهاب في الاعصاب وتبدا الاعراض اللي عندك تطلع بسبب نقص العناصر اللي المفروض تاصل للدماغ وتخليه يعمل بالشكل الصحيح .
وراح ابسط الشي هذا بمثال بسيط حتى تعرف ليه الاعراض تجيك فجأة وتروح فجأة وابصم لك بالعشره أن جميع الاطباء ما يعرفون الشي هذا لأنهم فاشلين ولا قاموا وجمعوا اللي يشكون من نفس الحالات هذي وسألوهم ليه يحصل كذا .
ارجع وابسط بمثال حتى تأكد من صحة كلامي
شف الآن عندك جهاز تلفزيون ورسيفر وصحن الدش واضح وكلهم مربوطين في سلك راح اسألك سؤال لو اجيب السلك اللي يربط بينهم واجرحه هل الصوره تكون واضحه على التلفزيون او لا طبعاً راح تكون تطلع شوي وشوي تختفي لكن اذا كان السلك سليم راح تطلع الصورة واضحه على التلفزيون
وطبق الكلام هذا على الانسان
اذا كانت المعده والقولون فيهم اللتهاب راح تضر الاعصاب وراح تكون التغذيه سيئة للجسم والدماغ وراح تطلع الاعراض اللي انت تشعر فيها واذا كانت المعده والقولون سليمين ما راح تطلع الاعراض لأن التغذيه صارت سليمة ووصلت الدماغ بالشكل المطلوب .
أتمنى تكون فهمت ووصلت لك الفكره
يعني وبأختصار متى ما راح اللتهاب اللي في المعده والقولون راح ترجع طبيعي 100%100 .
أسأل الله العظيم رب العرش الكريم يشفيني ويشفيك ويشفي كل مسلم
ولو ترجع لموضوع اخوي ميدو المدني هو قال بالفم المليان يقول القولون عندي مضروب