هذي أسئلة اخوي محمد المتفائل
اخي انا عملت منظار للمعدة وماطلع عندي شي وما زلت الا الان أعاني بعد الأكل بكثرة التشجيؤ والتقريع وحتى من اشرب الماء احس بنفس الاعراض والحمد لله مريت بفترة صعيبة والوضع احسن من السابق ولاكن ماني قادر اتخلص من الافكار الا الان والاعراض الجسدية
اخي العزيز ، لا أقول كلامك خطأ ، بس لاحظت من كلامك انك تقول الوسواس ما يجي الا بسبب التهاب في المعدة والقولون ، اخي العزيز انا الي زاد حالتي اكثر القراءة في الانترنت بصفه يومية في كل وقت لمدة طويله من الخوف من الاعراض وأقرأ في الأمراض ماخليت شي ماتتخيل الا قرأت عنه ، انا ادخلت نفسي في وسواس الافكار المزعجة بسبب الالام حدثت لي ، جعلتني ادخل في وساوس


وهذا ردي عليه
اخوي الكريم: محمد المتفائل خلك متفائل مثل اسمك .

أنا راح انسخ لك ردي على احد الأخوان لأني والله مليت من كثر ما اكتبه بحيث انك تفرق بين الوسواس والحقيقة

معنى الوسواس: هو مخاطبة النفس اسوي ما اسوي سويت الشي الفلاني ما سويت فلان فعل كذا فلان ما فعل كذا بي المرض الفلاني ما بي المرض الفلاني يمكن اموت اذا اكلت هذا وتكرار الوضوء والصلاة اكثر من مره ووااا هذا هو الوسواس .

والحقيقه: هي الشي اللي تحسه وتشعر فيه وتشوفه مثل ضيق التنفس كتمه الدوخه نغزات بالقلب وغصه بالحلق والاكتآب والرهاب والهلع وسواس الموت اللي يحس الشخص حقيقه من الم أنه راح يودع وصداع وباقي الاعراض اللي ذكرتها في مواضوعي هذي لها اسباب الله يحفظك بس الاطباء الى الآن ما يدرون وشي لأن الفحوصات بينت لهم أن الجسم سليم ظاهريا ً والصحيح أن الجسم غير كذا فيه مشكله .

لذلك اخوي ما الومك تفكر كثير لأن فيك الم لو ما فيك الم ما راح تفكر هذي اصلاً طبيعة البشر بالله عليك الحين لو فيه واحد اصيب بزكام واقول له هذا الامر نفسي ما فيك زكام راح يصدق لا راح يروح للدكتور ويصرف له العلاج الصحيح لأن المشكلة اللي فيه واضحه لكن انت مرضك باطني يعني ما يقدر يشوفه الدكتور في عينه علشان يتأكد هو يبني على توقعات واذا عجز على طول يقول مرض نفسي للأسف

أخوي تدري أن اصعب تشخيص في الطب كله الامور الباطنية عند الاطباء ومستحيل يعرفها الا اطباء مجربين الامور هذي او معايشينها مع اقربائهم قبل ما يتعلموا ونادر ما تلقى مثل الاطباء في الزمن هذا .
اخوي محمد المتفائل

انا ما رديت عليك في موضوعك هذا الا لأنك رديت علي في احد مواضيعي ولا عندك اثبات .
و في موضوعك هذا انت تقول الى الأخ عيسى
وانا ما أقدر اتدخل والسؤال ما وجه لي الا اذا ما لقيت أنت حل وجه لي السؤال أنا في الخدمه