نفساني - عرض مشاركة واحدة - زواج السعوديه من غير السعودي ( الأجنبي ).

21-02-2015, 08:31 PM

اقتباس:

المشاركة الأصلية كتبت بواسطة فوفا

يسعد مسااكم..

كيفكم ..عسااكم بخيير ..

محتاجه ﻹستشارة ضرووري ..الله يخليكم لو تقدروا تفيدوني او تعرفوا احد يفيدني ..

دحين احنا قدمنا بأمارة جازان ..وطبعا عملنا عقد ايجار وتعريف سكن بأني ساكنه بجازان وكدا انا الطرف اﻷجنبي وحاليا مو ساكنه بجازان ..بس اختي هناك واقدر اروح عندها ..ومن اسبوعين نتصل ع الامارة يقولولنا لسا ماصار شئ ع معاملتكم ..

يوم الخميس اتصلوا ع خطيبي الامارة من الصبح بدري وفضلوا يتصلوا اكتر من مرة الين لما رد عليهم قالولوا الاحد من الصباح بدري تكون عندنا عشان تقابل الامير ..

ودحين هو حرك بالطريق لجازان وكلم الرجال قلوا تعال ونتفاهم ..هو يعرف واحد بأمارة مكه قلوا ع الموضوع ..دحين ارسلو انو ارجع جده احسن ..لان الاسبوع الجاي ممكن ترجع الشروط زي اول ..غير كدا انو ممكن يتهموك بالتزوير ويرفعوا عليك قضيه ..الله يسسعدكم انا مررة قلقانه لو تقدروا تفيدوني اكوون ممنونه لكم

أهلا فوفا .. ويسعد مساك ..

بدايةً أنا مالي خبرة بالموضوع لكن راح أكلمك بالمنطق ..

أولاً : هل خطيبك طلب مقابلة الأمير ولا قدمتوا معاملة عادية .. لأنه لو عادية فالأصل فيها انه ما يقابل الأمير إلا لو أمارة جيزان لها نظام مختلف ..

ثانياُ : اتوقع لو عليكم المشكلة بيطلبوكم انتوا ( الطرف الاجنبي ) لأنه الصحيح حتى لو كان في شي لا سمح الله هو مايتحمل مسؤولية الطرف الاخر ..

ثالثاُ : أصلاً الأمارة ماتطلب من الطرف الاجنبي يكون من جيزان .. المطلوب الطرف السعودي يكون من سكان المنطقة .. فما أدري هل هو قدم تعريف من العمل انه من جيزان ولا ايش عمل ..

رابعاً : موضوع التزوير اللي تفكري فيه .. الأصل أنه عمل الشرطة مو الأمارة .. يعني المتوقع لو فيه مشكلة في البحث والتحري بتكون في الشرطة مو الأمارة .. لانه الأمارة جهة إدارية فقط .. فبالتالي اذا الامارة هي اللي طلبت ان شاء الله مافي شي ..

أنا عارف اني ما افدتك كثير بالنقاط اللي فوق لانها مجرد تفكير بصوت عالي مو معلومات ..
بس اللي انا اشوفه والله أعلم أنه أول شي يتأكد من أي أحد قدم في جيزان هل هذا الاجراء بالعادة يصير .. وكمان يتأكد من الرقم اللي جاله هل من الأمارة ولا جهة ( باستخدام اي برنامج ) .. واشوف انه بكره ممكن مايروح ويرسل المعقب يسأل عن الموضوع في الأمارة ويعتذر باسمه انه حصل له ظرف .. واذا شاف الموضوع في ظاهره انه عادي ياخذ موعد جديد مع الامير ويروح ..

أنا متفاءل .. بس هذا من باب الاحتياط لو حابين ..
وأسأل الله ان يتمم لكم معاملتكم على خير .. وتتذكروا افلام الاكشن اللي تتخيلوها الحين وتضحكوا عليها مع بعض ..