ربي يحبك

بيانات اضافيه [ + ]

رقم العضوية : 49902  تاريخ التسجيل :  02 2015  أخر زيارة : 21-02-2016 (11:15 AM)  المشاركات : 745 [ + ]  التقييم :  27

لوني المفضل : Cadetblue

اخوي مباشر هذا كلامك
بعد عشاء امس فالليل بساعة لاحظت نبضات قلبي صارت سريعة والخوف زاد وعطش شديد وخمول ودوخة قوية
واضطراب المعدة من حموضه وفقد الشهية

الحالة العامة لمرضي لما اكون على معدة خالية اكون مرتاح والعكس اذا كثرت الاكل .

أعذرني اخوي مباشر على قسوتي لكن يشهد الله أنها من باب المحبه في الله وعتب محب لا اكثر ولا اقل

أخوي مباشر تدري وش مشكلك سألتك بالله العظيم أنت راضي باللي قاعد يصير فيك كل السنين اللي الى الآن من الاعراض كل شوي طالع فيك شي وقاعد توهم نفسك وتصدق كلام الناس اللي اصلاً والله ما يدرون وش فيهم يحسبون اللي فيهم وسواس من الشيطان وكثرة تفكير وقلق والصحيح أخوي مباشر ومثل ما تشوف الشمس بالسماء واضحه مشكلك ومشكلة كل الاخوان قلتلكم سببها واضح وبينتها لكم والدليل شف كل من صار عنده اللتهاب بالعده والقولون جته نفس الاعراض .

يا أخي الاطباء الفاشلين والناس اللي قاعده كل يوم وتكتب مواضيع اليكم طريقتي كيف تشافيت وتعافيت واليكم طريقة كيف التخلص من الهلع والرهاب والاكتآب والا يجيك واحد يسوي نفسه عنده سالفه يشخص الحالات واصلاً هو ما يعرف وش شبب مشكلته أما يقولك بك سحر والا وسواس والا عين ولو ترجع للرجال نفسه وتسأله بالله تقول أنت أساساً تدري وش فيك يقول لك لا وتسأله تقوله ليه طيب أنت تكتب مثل المواضيع هذي وتشخص العالم وأنت أصلاً ما تدري وش المشكلة اللي عايشين فيها الناس يقولك أبي اقعد احمسهم واحمس نفسي علشان نقضي على هذا الوسواس أو العين أو السحر والا يجيك الثاني يقول اللي فينا مرض نفسي نفسجسدي والله ما يدري وش الطبخه ويقعد يردد كلام الاطباء الفاشله وهم قاعدين يعطون ارشادات وعلاجات سم على الاوادم إذا ما كانت صرفها بالطريقه الصحيحه وهم ما يدرون وش سبب المشكلة اللي هم فيها .

ومن هنا اتحدى أكبر طبيب نفسي أيً كان وحتى برفسور أن الكلام اللي أنا اقوله غلط والدليل عندي خير برهان شف كل اللي شخصت حالاتهم واتحدى تلقى واحد ما فيه نفس الكلام اللي شخصت حالته حتى انت اخوي مباشر تراك كنت تعارضني وارجع لردي عليك وأن بغيت انسخ ردي عليك أن مشكلك اللتهاب بالمعده والقولون وتقعد تنكر كلامي والحين اعترفت بلسانك قدام الاخوان وتقول أنا أحس معدتي تعبانه بعد العشاء يجيني غثيان ودوخه تدري منين اخوي يجيك غثيان بلا والله معدك وقولونك فيها مشكله وبما أنك تقول اذا اكلت احس بغثيان ونبضات بالقلب قويه الامر ما يطلع عن اللي راح اقولك فيه اللتهاب عندك في المعده او القولون وأتمنى منك تاخذ منظار عند دكتور شاااااااااااااااااطر ومااااااااااااااااااااااهر ومعروف وتاخذ منظار وشف من هنا ارهن على أن كلامي هو الصيحيح واذا كان كلامي غلط قل عني هذا رجال ضايع ولا يفهم وسب على كيفك سامح لك أنا ومحللك بعد بس رح وافحص وبيني وبينك المنظار قدام الناس هذي

أنا منا بقعد ابني على فرضيات أنا عندي حقائق مجربها وحاصلة قدامي ومستعد أشخص أي شخص اقولك هذا يحتاج لعلاج نفسي أو لا هذا علاجه جسدي .

اخوي مباشر والله لو ترجع لنفسك وتفكر شوي وأنا راح اقولك وعلى الملأ ما فيك الا العافيه عقلك يازن بلد ماشاء الله تبارك الله أنت تبي ترضي الناس والاطباء الفاشله وتاكل حبوب أنت بغنى عنها ومشكلك أنك ما وجهت نفسك صح ومعيش نفسك بها العذاب وانت عندك مشكله بسيطه بس ما بعد لقيت اللي يوجهك صح والحين عرفت الطريق انت وانت بالخيار .

أخوي مباشر أنا ما اعرفك وانت ما تعرفني ولا عمري حتى شفتك لذلك أخوي أنا ما قلت مثل كلام الناس التعبانه هذي والاطباء الفاشلين وقلت تخلص من الوسواس والرهاب والعلع والاكتاب بالتطنيش والتجاهل أو تعايش مع المرض أو كل حبوب نفسية .

وللعلم اخوي مباشر تراي ما قعدت اتكلم من فراغ أنا ارهن على كلامي وأحط حق اذا كانت كل كلمه قلتها ماهي صحيحه والدليل على صحة كلامي شف الناس اللي عارضوني قبل كلهم راحوا ولا صرحوا لي وفحصوا يوم هداهم الله وطبقوا كلامي بالله عليك وش طلع فيهم اللتهاب بالمعده والقولون اللي عجزوا الاطباء الباطنيين والنفسيين يدرون وش سبب الاعراض اللي قاعده تجيهم ولا يدون من ايش المشكلة .

أخوي مباشر أنت ما قعدت تكابر أول الامر وتقول كلامك مو صحيح وأنت كذا وكذا حتى أنزعجت انا من كلامك بنفسي لكن قلت اصبر ورد عليه هذا اخوك بالإسلام ويوم تناقشت معك بديت تقتنع عقب ما أنار الله بصيرك واتوقع قعدت تفكر وتقول الرجال هذا وش مصلحته أنا سويت جميع الفحوصات بس فيه شي غلط ما سويته وأكيد الاطباء ما يدرون وش السبب يمكن الرجال هذا كلامه صحيح أن المشكله من اللتهاب المعده والقولون ،بدليل كل اللي يشكون من الاعراض اللي تجيهم عندهم اللتهاب بالمعده والقولون .

اخوي مباشر لا تعيش نفسك بدوامه انت بغنى عنها تقعد طول عمرك تعيش مع المرض وتصدق الناس الفاشله هذي اللي ما درت وش علتها وتقول انا سويت كل الفحوصات وكل شي طلع سليم وأنا اقول سليم طل بوجهك ياللي تقول كل شي سليم هل فحصت المعده والقولون وما طلع شي اقول صحيح كلامك لكن كانك ما فحصت اقول طل في وجهك سليم .

أخوي مباشر أنا إذا كانت كلماتي تجرح أي واحد خلالالالالالالالالالالالالالالالالالالاص ماراح اقعد في هذا المنتدى وراح اطلع منه كاني مزعلكم لكن يعلم الله اني ما جيت الا ابي أنا نكون كلنا يد وحده وبعضنا ينفع بعض باللي يعرف أنا ما بي ناس تجي تقول تعايش ابي ناس خلاص تعرض فكرتها ومشكلتها وتقارن وتقول ليه الامور هذي كلها فينا اكيد فيه عله باطنيه مشتركين فيها وخلاص انا قصرت عليكم العنوه وعلمتكم مشكلتكم كلها من المعده والقولون واذا تعافى الواحد وكانت معدته وقولونه سليم والله ماعاد يحس بأي عرض وأنا للمره المليون ارهن على الشي هذا .

وفي الاخير أبقولك كلمه صراحه اعجبني اخوي احلا حلى وأهنيه على أنه توجه وفحص وتأكد وطلع نفس الكلام اللي قلته له طلع عنده التهاب شديد بالمعده والتهاب بالمريئ والقولون وجرثومة المعده .

لذلك اخوي احلى حلى ارسل رقمك لي عن طريق المراقب وبحاول بعد أنا ارسل رقم جوالي للمراقب يرسله لك وابشر بعزك باللي اقدر اخدمك فيه .

وبالنهاية يا جماعه كاني مضايق احد فيكم يقولي وراااااااااااااااااااااااح اطلع من المنتدى بكبره .
الله أنه يشفيني ويشفيكم وكل مسلم