اليوم احاول اسلي نفسي اشوف فلم كومدي يطلع بالاخر يتكلم عن المووت
فتحت التويتر اول تغيرة موت فيس بوك تلفزيون مسلسل فلم
الراديو بالسيارة وانا رايحه للعمل
رحت للمكتبه بشوف شي كتاب يفيدني جات عيني على الكتب والروايات كلها موت / قبر / ....إلخ

وسالت هل هذا شنوووو معقوووول مصادفه احد حدث له كذااا
ردو عليه لكن ماحد ررد عليه
معناه انه شي غير طبيعي ولا شووووووووووووو

أختي ام جنا

انا احب في جميع تعليقاتي اني اكون انسان عفوي يعني ما اتكلف بالكتابه وانتقي كلمات جذابه علشان الناس تصدق الكلام اللي انا اقوله ويقولون الشخص هذا ما بعده حساب لا والله أنا اخلي الناس براحتها لها عقل تفكر فيه وتروح عقب ما اكتب اللي فيها وتنفي بعد ما تطبق اللي قلته لها .

على العموم ندخل في الموضوع

بالنسبة للأمر اللي هذا اللي ذكرتيه شي عادي يعني كل الامور هذي تجي بالصدفه مثل يجيك يوم كل الناس تعطيك هديه بنفس الوقت ما راح تحسين بشي لأنه الأمر مسعد بالنسبة لك لكن اي شي يضيق الصدر مثل تذكر الموت أو نقاش حاد في يوم واحد مع مثلاً كل اعمامك راح يضيق صدرك وهذا يعتبر حديث نفس هذا وسواس . واي شي تسوينه اكثر من مره وانتي تدرين انه خطأ غصب عليك مثل اعادة الوضوء هذا وسواس قهري .

أما اي شي تشعرين فيه وتحسين احساس موجود زي الغصه الكتمة الم بالصدر هذا حقيقه واسبابها معروفها وتعبت من كثر ما اكتبها اللتهاب بالمعده والقولون وادخلي الرابط اللي نزلته للأخت مريم ام يحيى راح تعرفين تشخصين اي شخص عقب ما تقرين الرودود على الاعضاء وراح تعرفين وش فيك بالضبط إذا كان فيك اعراض غير اللي كتبتيه بس لازم تقرين كل كلمه كتبتها في مواضعي وصدقني ما راح تحتاجين الى اي شخص سواء انا او أي شخص غيري.

وحاب اقولك الفرق متى يكون وسواس الموت حقيقه وما متى يكون وسواس والموت مجرد وسواس من الشيطان حديث نفس.

وسواس الموت الحقيقي هو الم من شدته الشخص يحس انه راح يموت الشخص مثل غصه كتمة بالصدر نغزات بالقلب ودوخه وواواوهذا وسواس الموت الحقيقي يعني في الشخص مشكله بجسمه لازم يعالجها .

ويكون وسواس الموت من الشيطان: اذا قعدتي تخاطبين نفسك وتفكرين مثل تقولين ابموت اذا اكلت كذا ماراح اطلع من البيت اخاف اموت وانتي مافيكي شي من الناحية الجسديه هذا يعتبر وسواس من الشيطان مجرد حديث نفس



اختي ام جنا
انا شخصت حالك من خلال ما قريت من كتابك واتمنى تقولين اني غلطان علشان اعترف عند الناس كلها اني ما اعرف شي وراح اقولك بداية الوسواس معك :

أول ما يدخل الوسواس الانسان ويصبح حقيقه عن طريق الاكل تبي تقولين كيف راح تشوفين نفسك في اللي الحين قاعد اكتبه بثلاث طرق وكلها تصب في الأكل والأكل اشدها لأنه يسبب امراض عضويه لكن اذا تدارك الشخص نفسه خلاص بأذن الله يطيب والطرق اللي دخل عليك فيها هي التالي :

1- انتي انسان حساسه جداً وتأثرين بالكلام لدرجه يمر عليك وقت تحرمين نفسك الأكل من الزعل هذا مدخل الشيطان الأول.
2- حرمتي نفسك الأكل تحاولين تخففين وزنك علشان ترضين نفسك قبل ما ترضين الناس وهذا مدخل الشيطان الثاني .
3- اكلتي وجبه وتسممتي فيها ومن عقب الاكل صرتي تخافين من بعض الاكلات وهذا مدخل الشيطان الثالث .

وراح تقولين طيب وش علاقة الكلام اللي انا قاعد اكتبه بالمرض اللي فيني؟؟؟؟؟؟ راح اقولك العلاقة كيف .

الآن بمجرد انك سمحتي للشيطان وطاوعتيه على انك تحرمين نفسك الأكل ما تدرين وش عمل في المعده والقولون عندك علشان يخليك تضررين نفسيا ً وجسدياً .

تدرين خلال حرمانك لنفسك الأكل المعده قاعده تفرز الحمض داخلها ولا فيه اكل والحمض هذ بمجرد ما يكون فيه اكل راح يتضرر جدار المعده ويحصل فيه اللتهاب والحين خليتي جرثومة المعده تاكل في جدار المعده لأنها هي موجوده في المعده بس بمجرد ما يجيها الحمض تموت لكن اذا تأثر الجدار باللتهاب خلاص الجرثومة تختفي بالجدار الملتهب من الحمض وجدار المعده عندك راح يضعف وجسمك راح يضطر انه يبحث عن العناصر ويعوض النقص من الاعضاء نفسها اذا ما لقى أكل وراح يأثر على عمل الدماغ بعد حصل نقص في العناصر مثل هرمون السيرتونين السعادة موجود في الامعاء واذا تأثروا راح يجيك اكتئاب .

وبالحال هذي خلاص نقصت العناصر عندك وبدت عندك مشكله في المعده القولون ثم تطور الوضع وصار فيه بعض الاكل يأثر عليك وجسمك اصلاً بحاجتها علشان يعوض النقص لكن ما يقبلها جسمك بسبب زيادة اللتهاب ثم تطور الوضع ويشتد اللتهاب فيك وتبدأ تطلع الاعراض هلع خوف اكتئاب ودوخه والاعراض هذي تزيد كل ما مازاد اللتهاب وجسمك الحين ما يقدر يكون مثل قبل لأنه تضرر من حرمانك لنفسك الأكل قبل والان بالطريقه هذي اللي فيك حقيقه ما هو وسواس الوسواس انتهى لو أنك ما طاوعتي الشيطان في بدايك وصرتي تاكلين طبيعي لكن في النهايه صار الامر حقيقه لأن الاعراض صارت عضويه تشعرين فيها .

اتمنى اختي اذا كان كلامي غلط أنك ما سويتي كذا تعلميني لأني والله احب اتعلم من الجميع واذا كان صيحيح تقولين معك حق علشان الناس تقتنع من الكلام اللي قاعد اقوله
لأني تعبت من الناس اللي ماهي راضيه تفهم حديث الرسول المعده بيت الداء يعني جميع الامراض تجي الشخص بسبب المعده اياً كانت

أسأل الله العظيم رب العرش الكريم أن يشفيني ويشفيك وكل مسلم اللهم آمين .