رحماك يا الله

بيانات اضافيه [ + ]

رقم العضوية : 49885  تاريخ التسجيل :  02 2015  أخر زيارة : 06-04-2025 (05:27 AM)  المشاركات : 139 [ + ]  التقييم :  10

لوني المفضل : Cadetblue

ممكن تدخلون

السلام عليكم انا صاحبه هذا الموضوع اذا تذكرونه http://www.nafsany.cc/vb/showthread.php?t=104321

قبل فترة من معاناتي الي طرحتها لكم

رحت المستشفئ ويوم فحصني الدكتور العضلات وعطاني ابر وفيتامينات
المهم كانت تجيني فكرة ان الدكتور يقص علي وموصحيح وهذا مو من العضلات وبدت عندي الوساوس من جديد وصرت ابكي واعزل نفسي وكنت ابي اروح الطبيب مرة ثانيه عشان يفحصوني واهلي تجاهلو شوي قالو توسوسين الين اصريت عليهم اني
اروح ورحت للدكتورة نسائية وكشفت علي وقالت هذا طبيعي حبيبتي انتي الي فيج وسواس قلت لها والاعراض الي احس فيها وقلت لها انا ادخل قوقل واكتب اعراضي قالت خلي قوقل عنك سوي تحليل هرمون
.
.
المهم بعد ماطلعنا من المستشفئ واحنا بالسياره جتني فكرة ان الدكتورة تقص علي انا اكيد فيني شي ليش كل هالالام فيني اكيد فيني شي

ورجعت لي نوبة القلق مرة ثانيه والتفكير واصبح وجهي شاحب
وبكي وتفكير ... المهم بعد مرور ثلاث اسابيع من القلق والتفكير باعراضي
قلت للوالد بروح لدكتورة ثانيه
ورحت لدكتورة اخرى وشرحت لها حالتي والالام الي احس فيها
فحصتني وقالت انتي من وش خايفه قلت من مرض السرطان عافانا الله واياكم
قالت حبيبتي هذاك ماتحسين بالم وهذي مو اعراضه عشان تطمنين
راح اخليك تسوين سونار عشان ترتاحين وعطتني علاج مسكن
.
.
والموعد كان بعد اسبوعين
ووقتها كنت في حاله هستيريه قلت خلاص اكيد فيني شي وصرت مااكل وتغير شكلي ولا
اهتم بنفسي وكنت احس بالام بالعضلات والصدر والراس والرقبة وبعض الاحيان الافخاذ وكان التفكير بالمرض مسيطر علي كل اهلي وصديقاتي كلموني
وقالولي مافيك شي لاتفكرين
انتي توسوين وكنت اطنشهم وفي شي يقولي بداخلي لايكذبون
عليك ترا انتي مريضه وفيك شي لازم تكشفين بسرعه
وكنت مااسمع كلام احد لان اقتنعت من التفكير ان فيني شي

المهم بعد مرور اسبوعين من المعاناة جا موعد السونار
ورحت واقدامي كانت ماتشيلني من الرعب قلت مصيري راح يتحدد الحين
ودخلت والغرفة ظلمة وانسدحت ع السرير وانا دموعي تصب ومغمضة
عيوني وابكي وادعي وادعي وادعي لين خلصت الدكتورة
التفت عليها كلي رعب وخوف قلت الحين بتقول فيك ورم

شوي قالت الدكتورة الحمدالله سليمه

انا طارت عيوني من الفرحه وحمدت ربي وشكرته نسيت الاامي
ورحت البيت وصليت صلاة شكر ل الله

بس بعد مرور ساعات
في شي بداخلي يقولي لاترتاحين ولاتفرحين انتي فيك شي شوفي
رقبتك تعورك ايدك تعورك راسك يعورك انتي فيك شي
واحس بشي يقولي افحصي رقبتك وراسك

ويوم تحسست برقبتي مع الضغط حيل والفرك حسيت مثل كور صغيره تتحرك
وتحسست الجهه الثانيه ولقيت نفس الكورة تتحرك بس ماتبين الا باللمس والفحص
وحسيت مثل شي يقولي شفتي انتي فيك ورم بالراس انتي فيك مرض
روحي فحصي مرة ثانيه
وترجع لي الوساوس من جديد والتفكير بالصداع والم العضلات والرقبة

جننت الوالد من كثر مارحنا مستشفيات وصرف بالمبالغ وكله يقولون
اذا قلت له بروح راح يعصب ويقول توسوسين


تخيلو ياجماعه ايدي ماتنزل من رقبتي كله افصحها والمس الكور الي طالعه بس ماتبين وافرك براسي وايدي وكل شي اطالع بالمرايه اشوف وجهي تغير ولالا
واشوف اذا فيني شي انتفخ او لا
والوسواس ملازمني 24 ساعه وكله يقولي لاتصدقين الدكاترة انتي فيك شي

شسوي والله نفسيتي تعبت :( :(

المصدر: نفساني