اختي وهذي ردي علشان ابوك وامك الله يخليهم لك
اختي بالنسبة للي تشعرين فيه تقولين انتي مثل الكور هذي اشياء عاديه هذي اختي غدد بكل شخص وهذي تعتبر جهاز مناعي لجسم الانسان يعني لو تحسين بشي عادي كل شخص يحس باللي انتي تحسين فيه وانا ابصم لك بالالف ولا صرتي تشوفين الحين الغدد هذي الا عقب ما ضعفتي واذا كنت غلطان اتمنى تقولين انت غلطان عندك سوء تغذيه اختي انتي حارمه نفسك من الاكل وكل ما حرمتي نفسك راح تأثرين على القولون وبعدين عاد القولون هو اللي يقعد يتشرط عليك يعني ما راح تاكلين اللي انتي تبغيه لأن القولون عندك خلاص عودتيه على غذاء معين وحرمتي جسمك الغذاء السليم وعلشان كذا الحين صار معك مشكله بمشتقات الالبان مع انك قبل عادي والبقوليات بعد صار عندك مشكله وقبل عادي اختي انتي الحين اذا قعدتي كذا ترا تدمرين نفسك وامورك كلها بأذن الله سهله .
اختي روحي لأخصائية تغذيه وخليها تقولك الاكلات والمشروبات الصحيه اللي تمشين عليها وتعوضين جسمك الحين جسمك بحاجه لعناصر انتي حارمته منها لذلك انصح تروحين لأخصائية تغذيه فقــــــط
اختي الكريمة
تدرين متى يدخل الشيطان ويوسوس فيه وخلاص عاد يتمكن منه بثلاث امور اذا دخل عليه فيها خلاص راح يدمره وبدال ما تكون الاعراض اللي يحس فيها الشخص وهم تصبح امراض جسديه والطرق هي :
1- يخلي الواحد يحرم نفسه الأكل علشانه متزاعل مع احد وهذي دخلت الشيطان الأولى يبدأ يضعف الانسان في جسمه علشان يقوى هو والامراض تجي الانسان المدخل الأول .
2- يخلي الواحد يبدأ يناظر في جسمه يقول في نفسه ابغى شكلي يكون افضل من قبل وعاد يحرم نفسه الاكل وراح تنقصه عناصر ما كان يدري ان اللي قاعد يسويه غلط لو انه صحيح كان راح وقعد يستشير اخصائين تغذيه لكن هذا الشيطان يبي يدمر جسم الشخص علشان يضعف المدخل الثاني .
3- يجي الشيطان عن طريق بعض الاكلات اللي فيها جراثيم المدخل الثالث وخلاص من عقب التسمم يبدا الانسان يوسوس ما يصير ياكل شي المدخل الثالث والرسول عليه الصلاة والسلام يقول ان الشيطان يجري في ابن آدم مجرى الدم وبعض العلماء فسروه أن الشيطان هذا عباره عن الجراثيم الضارة اللي تكون في الاكل الغير صحي من المطاعم وغيرها .
اختي الكريمة
انا اشوف الآن ما فيك الا العافيه صدقيني ولو فيك شي اصلاً كان ما رديت عليك لكن سبحان الله اذا شفت وحده تقول امي تبكي او ابوي يبكي اي واحد غصب عليه يتأثر عسى الله يخليهم لك ويستر عليكم .
اختي انا منصح لك انتبهي هذي طرق الشيطان لا يقعد يوسوس فيك وانا قلت لك وعلمتك الطرق انتبهي يجيك مع الطرق هذي
اتجهي لأخصائية تغذيه أسال الله انه يشفيك ويشفيني وكل مسلم اللهم آمين ،،،،