اخوي حمزة سبحان الله الاسم هذا اكثر ما يسميه الاخوان اللي من السودان انت من السودان

تشخيصي لحالك :

بالنسبة للامراض ما فيك شي حط في بطنك بطيخ صيفي بأذن الله والامور اللي تحصل معك الحين لأنك اخوي حمزة في سن المراهقة انت في طور النمو يعني تقلب المزاج هذا عادي عند اي شخص .

اللي فيك وسواس قهري والدليل أنك تكرر الشي اكثر من مره مثل لمسك لبعض الاشياء اكثر من مرة واعتقد أن اهلك كانوا يحرمونك بعض الاشياء اللي انت كنت تبغاها وكنت اذا شفت اي شي تحاول انك تلمسه عادي هذا يوم كنت صغير لكن يوم كبرت خلاص الفكره عندك تطورت وصرت تقول في نفسك اذا ما سويت الشي هذا راح يحصل كذا الى ان اصبح وضعك بالحال هذي .
أما بالنسبة للموت هذي خزعبلات اللي يقولك يبي يومت اليوم الفلاني لا تصدق ابد ولو فيه شي يدل على صحة الكلام هذا كان ذكر بالقرآن أو خبرنا الرسول عليه الصلاة والسلام .

أسباب الامور اللي خلت وضعك كذا
1- لأنك انسان اغلب وقتك بالبيت وتقعد مع نفسك أو في النت وهذا اكبر خطأ تدري ليه لأن الشيطان خلاص قاعد يلعب في مخك ويوسوس لك علشان يضعفك من الناحيه الجسديه وبعد خلاص يقعد يحرك على كيفه .
2- انت ما تحاول تختلط بالناس وهذا بعد اكبر خطأ لا زم تجلس مع الناس وتشاركهم في اللعب .

العلاج :
1- حافظ على الصلوات الخمس في المســــــــــــــــــــــــــــــــــــــــــــــ ـــــجد وقراءة الاذكار .
2- حاول أنك بعد صلاة العصر تقرا القرآن وكل ما جاك الوسواس ابيك تقول اللهم اعني علي نفسي وتقول استغفر الله واتوب اليه مية مرة صدقني راح يرزقك الله وصدقني الشيطان راح يجن منك وراح تنسى الامور هذي .
3- لالالالالالالالالالالالالالالالالالالالالالا بــــــــــــــــــــــــــــــــــــــــــــــد ان يكون لك هوايه وانا افضل أنك تقوم مشروع بسيط مثل تربية الطيور مثل الحمام اوطيور الزينه في البيت صدقني راح تغير حياتك 180 درجه لأنك صدقني راح تنسى كل الامور هذي وماراح يكون للشيطان عليك طريق وتدخل المنتديات الخاصة بالطيور وتشاركهم وتشتري وتبيع معهم في النت وتحاول تطور مشروعك .
4- لابد انك تشارك الناس وتحاول مشاركتهم مثلا ً في مشروعك هذا .
5- وكثرة الغازات اللي فيك انصح بدال الشاي والقهوه عليك بالبابونج او اليانسون .

وانا من هنا مسؤول عن الكلام اللي اقوله اذا ما تغيرت اخوي حمزة للأفضل ابغاك تسبني في المنتدى بشرط تطبق الكلام هذا بالضبط وشف اول الأمر راح يكون صعب لكن بعدين راح تقول ياليت اني من زمان مسوي كذا .

وابغى منك حاجه انك تدعي لي وللمسلمين بظهر الغيب أسال الله انه يشفيني ويشفيك وكل مسلم ،،،،،،