المشاركة الأصلية كتبت بواسطة حسيني محمد

أنا كان عندى وسواس الموت والمرض من سنتين وخفيت منه الحمد لله وبطلت العلاج من سنة ومن وقتها وأنا كويس .. من حوالي شهرين مريت بظروف صحية وبدأت أوسوس وأتنقل من دكتور للتاني والحمد لله الوسواس مكنش جامد وكنت بقدر أسيطر علية .. لكن حصل من أسبوعين كده كنت بقرأ ف تفسير الأحلام ويا ريتنى ماقريت .. قريت وقتها حلمين من ضمنهم أن الأعزب اللي يحلم أنه بيتزوج وماشفش العروس أو مكنش يعرفها فقد دانه أجله يعني بيموت .. وفضلت أفكر ف الحلم وقلقان أن أحلم بيه لحد مافعلآ حلمت وبقي يتكرر ف منامي بصور مختلفة لدرجة أني بقيت أخاف من النوم والحلم مسيطر علي تفكيري وكل شوية أصحي من النوم وأقلق وأفكر .. ومش عارف أتخلص من خوفي من الأحلام اللي قريت عنها .. :(
فيه حد مر بالحالة دى؟
وهل فيه أمل أبطل أحلم وأنسي الأحلام دى؟
ساعدوني ..