حياك اختي رحماك يا الله


تدرين وش يقول الامام الشافي

لا يكن ضنك الا سيئاً أن سوء الظن من حسن الفطن
ما رامى الانسان في مخمصة الا حسن الظن والقول الحسن

الحرص واجب

وفيه قصه احب اني اذكرها لك

ولد اخوي عنده هواية الطيور المهم كان مسوي نفسه الشركة القابضة يقول لي يا عم أنا ابغى انافس الوليد بن طلال بتجارته قعدت اضحك معه قلت له الله يقويك خلاص عاد لا تنساني اذا صرت تاجر

قال ماعليك انت عمي وانا احبك قلت زين المهم ما دريت الا وكل ما صار سوق للطيور قال ياعم يالله ابروح ابيع الدجاج والديكه اللي عندي قلت له ابشر وانا مرتفع ضغطي بس وش اسوي احاول اشجعه
قمت ورحت معه وكل ما جينا نبيع أشوف أطباء اعرفهم يشترون اللي مع ولد اخوي وبالقيمة اللي يبغاها قلت يا ولد وش العلم ليه ما يشترون دجاج مبرد او دجاج مذبوح بنفس اليوم ؟؟
المهم قلت لولد اخوي شف ابغاك ترفع السعر وانا عمك علشان تكون تاجر قال افا عليك لا توصي حريص وهو صغير بالعمر المهم الا واشوف الأطباء اللي اعرفهم يجون يشترون منه قلت لازم اسألهم واقولهم ليه تشترون الديكه بقيمة غاليه مع العلم فيه دجاج يباع مثلج وفيه مبرد ارخص من اللي عند ولد اخوي عاد ما دريت الا ولد اخوي يقول انت وش دخلك عاد قعدت اضحك عليه يخاف تخرب تجارته الله يصلحه قال اللي يبغى يشتريهم انا ما شريتهم بالقيمة هذي الا عقب ما شفت العافيه تدري ليه قلت ليه قال اقل شي ما فيهم ابر هرمونات من اللي يحطون الشركات لأنه مهما طبختهم المادة الكيماويه ما راح تروح وراح تأثر على الانسان على المدى البعيد قلتتتتتتتتتتتتتتتتتت ايه الحين فهمت ليه تاخذون بضاعة ولد اخوي بالسعر اللي يبغاه .

المهم يوم رجعت انا ولد اخوي الا وقاعد يقول يا عم انت تبي تصير تاجر افقع راسي قلت ليه وانا عمك يكفي انت تصير تاجر وابدعي لك وتعطيني قال خلاص ابشر بس مره ثانية لا تكلم مع احد قلت ابشر عاد تعرفين
يبي ينافس الوليد بن طلال والله ما تدرين كن فيكون .

لذلك اختي الحرص واجب يعني الواحد ما يكون حاويه للمطاعم صدقني اكثرهم لقوهم يذبحون كلاب وقطط .يعني أقول ما مثل اكل البيت