نفساني - عرض مشاركة واحدة

08-03-2015, 06:19 AM

اقتباس:

المشاركة الأصلية كتبت بواسطة الشخص سعود

السلام عليكم ورحمة الله وبركاته
مادري من وين ابدا وكيف ابدا انا هالحين صار لي 5 شهور
وانا مريض وانا متأكد مرضي ماهب نفسي
مرضي هو في عروق جسمي مع مجرى الدم معها الم كالابر او كالسم
مع الدم وبعض المرات الالم مثل العضه واحس لحمي من داخل كني محروق
ولي شهر كبدي توجني بالحيل ومتعلق وجع كبدي بالوجع الي اشتكي منه
والتحاليل سليمه باقي اشعة رنين ماسويتها
تكفون الي يعرف طبيب يساعدني
صرت اتمنى الموت من كثر الالم الي فيني
ساعدوني

اخوي انا لي وجة نظر في اللي انت تعاني منه هد نفسك بأذن الله مافيك الا شي بسيط الله يشفينا وياك وكل مسلم اللهم آمين .

الحين كيف حددت ان كبدك تعبانه الله يهديك بس بما انك اخذت تحاليل دم على الكبد وما طلع ارتفاع في انزيمات الكبد ولا تغير لون البول عندك والبراز اعزكم الله او عيونك صفر خلاص ما فيك الشي هذا بأذن الله
الشي الأول .

الشي الثاني : انت يجيك وجع بالجهه اليمنى من الخلف زي الطعنه وبين الكتوف هذي تكون مرارة وحرارة بمنتصف الصدر مع استفراغ ولا يقدر يشوف الطبيب المرارة الا لازم تكون صايم علشان المرارة ما تفضي اللي فيها ويشوف اذا كان فيها حصى او لا أو تكون زايده لكن لازم يجيك استفراع ولا تقدر تحرك رجلك اليمنى مع الجنب اليمين ولا فيك زايده متأكد .

الشي الثالث:
تقول احس شي مثل الابر في عروقي بالله عليك طيب لو كلامك صحيح كيف ما عرف الطبيب أن عندك تسمم تبغى تعرف شف كم طلعت نسبة كريات الدم البيضاء اذا كانت مرتفقه فيه شي اكيد بجسمك يعني يصير حالة تسمم من وجبه أو اللتهاب في جسمك وفحص ESR كم طلع عندك اذا مرتفع فيك اللتهاب .

الشي الرابع :

انت تقول لك خمس شهور فيك الالم طيب راح اسئلك هل جاك الالم بعد الوجبه أو اكلت اي حبوب لازم تذكرها لي شف اي حبوب اذكرها حتى لو انها بندول اي حبوب لازم تذكرها لي .

الشي الخامس:

الله العالم ان عندك امساك وانت رجال اكثر اكلك مطاعم ومكسرات مثل الحب وغيره والاكل عالق في بطنك والقولون الصاعد العصبي عندك ضارب في الجهه اليمنى ومسبب لك اللتهاب في فوهة المعده هذي الغصة اللي تحس فيها وقاعد انت تحس بحرارة داخل جسمك زي النار هذا حمض المعده عنك لأن اي شي تاكله فيه احماض راح يزيد عليك الحرارة لأن عندك امساك . وابغاك تشوف اذا ما فيه حصى في الكلى او املاح ترها تسبب حرارة خذ سونار 200 ريال علشان تشوف فيه املاح في حوض الكليه أو لا وعلى دربك خله يشوف المرارة .
واترك الرنين اللي تقول عليه .

اتمنى تعقب على كلامي علشان ان كان عندي شي اقدر افيدك فيه ابشر
وبإذن الله ما فيك الا العافيه .