|
إرادة وقوة جبارة لمحاربة الوسواس
السلام عليكم
اخواني وأخواتي الأعزاء الى متى ونحن جالسين كذا كيف نبغى نتعالج واحنى كل يوم نتكلم عن اعراضنا واحاسيسنا وتركيزنا كله عليها كيف متوقعين نتعالج حتى الأدوية ماتعالج الا اعراض عمره الدواء ما يعالج أفكار ، نبغى نوقف ونفكر الي ليه سنة وثلاثة وخمسة وعشرة وأكثر ياخي هل صار لك شي كل تحاليلك واشعاتك سليمة وكل الدكاترة قالوا سليم ، ياخي احساس الاعراض من تفكيرنا وتركيزنا صارت شي يومي في حياتنا لأنو برمجناها في عقلنا ، يا ناس خلونا نفكر صح والله عمرنا ضايع ياناس والله تعبنا واحنى نقرأ كل يوم ونسمع هذا يقلنا تشخيص وهذا يقول يمكن عندك شي، ياناس لو عندنا شي كان ماتجلس كذا طول هاذي السنين ، الشيطان مسيطر علينا ، عمرنا ما راح نتغير التغير من داخلنا عمرها القراءة ماراح تفيد راح تزيدنا اكثر لأنو نسمع اعراض الناس الين صار عندنا المراء المرضي من كثرة الشكاوي ، انا تعبان اكثر منكم بس خلاص لازم نوضع حل لازم نتعب شوية عشان نرتاح زي ما دخلنا الافكار بنفسنا وبالتدريج نخرجها بنفسنا، اسمعوا قصص كثير كيف اتغلبوا وجاهدوا مثل اخوي علي اليامي وغيره ، اسمعوا قصة الخبير النفسي2 وكيف اتغلب بطرق بسيطة والي يسمع اعراض الخبير جلس 10 سنين تقول هذا ماراح يتعالج بحبوب كمان ، وفي النهاية اتعالج بطرق بسيطة ولكن لازم العزيمة الصادقة تركنا أشياء كثير في حياتنا واحنى جالسين كل يوم نقرأ ونكنت كيف تبغى تنسى المرض ، أسألكم بالله خلونا نفكر صح ، بس اهم شي نوقف قراءة في النت ، ما نسمع لأحد هنا يقلنا ترى عندك شي ويخليك توسوس زيادة ، في قاعدة تقول فكر في ماتريد لاتفكر فيما لاتريد ، احنى جالسين نفكر في اعراضنا وكل شي عندنا ، كيف نتغير ، ترى انا تعبان اكثر منكم ومو قادر أوقف قراءة في النت صار عندي زي الإدمان ، كل شي في البداية لازم في تعب بس بعدها راحة تأكد كل الاعراض الي نحس فيها طالما جات بعد الوساوس فهي من القلق والتفكير وأعراض جسدنة ، انا عندي كلام كثير راح أقوله بس دحين بكتب وانا مستعجل ، راح اكمل ، وأحب أقول ترى والله بحس بإعراض جسدية اكثر مزعجة ، بس أتحدى اي احد يقول فجأة كل هاذي الام جات ، كلها جات بالتدريج ، عشان جلسنا نفكر وشوية وشوية مع كثرة التفكير تزيد الاعراض الين صار عندنا زي الإدمان ، قال لي دكتور ترى راح توصل لمرحلة يصير عندك المراء المرضي يعني مجرد ما تسمع او تقرأ عن مرض تحس فيه ، يتبع
|