الحمدلله دائما

بيانات اضافيه [ + ]

رقم العضوية : 50189  تاريخ التسجيل :  03 2015  أخر زيارة : 02-05-2015 (06:58 AM)  المشاركات : 5 [ + ]  التقييم :  10

لوني المفضل : Cadetblue

وسواسي وخوفي من مرض كورونا

السلام عليكم
انا بأكتب لكم معاناتي لعل اجد الحل عندكم بعد الله او اجد مر بنفس حالتي وتخلص منها ..

قبل سنه انتشر مرض كورونا وانا قريت عن اعراضه كثير وبديت اوسوس وكنت ما اهتم واطنش ..
بعد فترة بسيطه جاني كلام ع الواتس انو منتشر بجامعة الاميرة نورة وصرت اروح وانا خايفه ومرعوبه وقلقانه جدا ..
وبعدين صحيت الصبح بيوم من الايام وفيني الم باللوز بعدها طلعت من البيت وانا قلقانه وافكر افكر تفكير قوي و اوسوس اني مصابه بالمرض المهم اني طلعت من الجامعه بصعوبه وانا مرعوبه وذهبت لطورائ المستشفى وقالوا لي اتهاب باللوز بسيط وعطوني مضاد ..
ولكني مصرة اني مصابه بمرض كورونا ..
بعدها بنفس اليوم بالليل دخلت ف حالة غريبه وهي :
رعشه ونفاضه وتنميل وخدر ووخز وكهربة والم بالعضلات بكل جسمي وذعر وهلع وخوف وتفكير دائم وما انام ابدا واذا نمت اصحى مرعوبه ودايم استفرغ عزكم الله وابكي ومعي اسهال عزكم الله واحس اني بموت واحس اني بخيال وحلم ودايم اصرخ واصيح واحس ودي اغير لمكان ثاني او ابي اطير ..
ع فكرة هاذي الحاله جلست معي اسبوعين ..
اذا خلصت الحاله ادخل ف حالة اكتئاب قوي قوي قوي و شديد والله اعجز اوصفه وبكاء ويأس اشد من كل شيء افقد الامل بالحياة واكره المكان اللي انا فيه ولا ابغى احد يروح من عندي ودايم حزينه تقريبا تجلس هالحاله معي شهر وتخف ماتروح لا تخف ..
هالحاله تجيني كل ما تعبت صرت ادخل فيها وافكر انه المرض نفسه وسرى الليل وحنا ماسرينا ..
بعدها اذا راحت مني الزكمه او التهاب الحلق اتحسن شوي وارجع لحياتي لكن بنفس الاعراض بس خفييييييييفه تكاد تكون منقطعه بس تجيني كتمه وضيقه عند النوم وبعد الاكل ..
الزبدة الان وبعد مرور سنه من هذه الحاله كل ماتحسنت ارجع انتكس اذا زكمت او جاني التهاب بسيط بالحلق افكر انه مرض كورونا ..
وصرت دايم اوسوس بحياتي كلها صرت اخاف من كل شيء ..

الاهم ف الموضوع انو الى الان وانا دايم ابلع ريقي بسرعه مثل حال الخايف لكني مو خايفه ابدا وربي بس خوفي لمن اتعب او ازكم او يلتهب حلقي لكن مازالت القشعريره والتنمل والكهربه تمشي بجسمي وتتنقل مره برجولي بظهري بكتوفي ..
واحس اني بخيال مافيه واقعيه ابدا ويتغير احساسي بالاماكن اللي اعرفها يعني كل مره اروح للمكان اللي اعرفه يتغير احساسي فيه كأنه جديد علي ..
وتتطور معي الحاله الى وسواس بالعقيدة واكره نفسي وحياتي واتمنى اموت لكن ارجع اخاف وافكر وش بيكون مصيري بعد الموت ..
اااه وش كثر عانيت الحمدلله ع كل حال والله ماباقي شي مافكرت فيه ان احد ساحرني او معطيني عين وحاسدني كلش فكرت فيه ..
رحت لرقاة اتحسن الحمدلله لكن انا عرفت ان اللي فيني نفسي وهو خوفي من هذا المرض ..
اااه والله اني ف معاناة مايعلم بها الا رب العالمين تعبت كثير وتحطمت الحمدلله ع كل حال فيه اشياء كثيرة ابي اسويها تنفعني ف مستقبلي لكن ماقدرت اسويها وتأخرت عنها بسبب هاللي فيني والله احس اني دخلت بمشكله مالها حل الله يعين ..
ارجوكم اسعفوني بحل وجهوني وش اسوي ولمين اروح !!!!....

المصدر: نفساني