بكرا أحلى

بيانات اضافيه [ + ]

رقم العضوية : 33851  تاريخ التسجيل :  04 2011  أخر زيارة : 18-10-2015 (11:47 PM)  المشاركات : 966 [ + ]  التقييم :  59  الدولهـ  الجنس ~

لوني المفضل : Blueviolet

وضعكم مع الناس كيف !

صباح الخير ..

جالسه افكر بالحياه والناس اللي حولنا سوا اخوان او أقارب او أصدقاء وعموم الناس

المعروف ان اي انسان بطبيعته يحب يختلط في الناس ويألفهم ويوسع علاقاته
لان العكس يعتبر ضد الفطره
طيب كلامي ادري أنكم تعرفونه معروف طبعا

بس وش حال المكتئبين ودي اعرف عنكم هذي النقطه . !!

كيف وضعكم مع الناس هل تجبرون نفسكم وتختلطون فيهم
ولوصار هل تحسون بتغيير بمزاجكم بغض النظر عن الاعراض

ببدا بنفسي انا حاسه نفسي بدنيا ثانيه والناس بعالم ثاني بعيييد عني
احس بالغربه .. وماعندي حماس اني اختلط بااحد
مافي رغبه زي ماشوفها بالناس تعودت ع الوحده
في ناس تحبني بس انا ساحبه عليهم مالي نفس لهم
ولو كلمتهم كلامهم سطحي وتافه يعني كلام عام عادي
فأقول بنفسي لو نايمه كان احسن لي من هذي المكالمه السخيفةة
حتى احس ماعندهم هموم وظروف زي اكتئاب وغيرو الله يديم عليهم طبعا
بس معروف الظروف تقوي وتغير نظره الانسان اما هم تجاربهم عاديه ونظرتهم للحياه سطحية
مالقيت احد يفهمني ..أفكارنا مختلفه
اتوقع حتى لو حصلت احد ماراح اعرف اكمل بهذي الصداقة
ماعندي مفهوم للتواصل نهائي
اتذكر صديقه دراسه بس تتصل وتعاتب ليه ماسال عنها لين اللحين مدري وينها
ماتسأل ابدا هههه ملت ، انا كذا ماعرف اتصل واسأل من الرهاب كان قوي
كنت لما اشوف ناس بسرعه اغير مكاني وأتعب ولما احد يناظر فيني اختنق
مو معقوله بسأل واتصل مستحييييل
اساسا ماعرف كيف الناس تتكلم وتأخذ وتعطي سنوات ماتكلم صمت دائم
اللحين صرت اتكلم شوي بس نسيت كيف يكون الكلام والله !! وش اقًول وش اعلق نهائي ماعندي هالاشياء
الحمدلله على ماقضى وقدر .. الحمدلله

تعبت من الوحده والعزله ومافي قبول للناس بداخلي احسهم مضيعة وقت
وما تعودت عليهم 10 سنوات عزله ممكن هي السبب


انتم مثلي او احسن شوي ..اعرف ان الاكتئاب يسبب عزله
بس العزله هذي جحييييم متعبه ،، كيف تعاملتو معها
تضغطون ع نفسكم ولا كيف
ياليت تكلموني عن نفسكم بهذا الخصوص
تفضلو .. ياليت تفاعل < فيس زهقان

المصدر: نفساني