اخوي مباشر

1- لاتروح لتايلند ولا لغيره رح لدكتور مشهور ومعروف وللمره المليون ولا تخليه ياخذ عينه من المعده صدقني راح تعذب بس خله يشوف فيك اللتهابات وتقرحات بالمعده والقولون او لا
وبعدين اتمنى ما تروح لتايلند اخاف اذا خدروك تخدير كامل يخدرونك ويبيعون شي من جسمك وانت غاط في سابع نومة يعني خل معك احد من ربعك .

2- انا اخذت منظار بدون تخدير جاء الدكتور وقال راح اعطيك بنج كامل قلت ماعليش يا دكتور انا راح اتدخل ابغى بس بنج اسنان قال خلاص بس ابلع كمية شوي منه بعلت وقال ليه ما تاخذ بنج كامل قلت يمكن تجرحني وانت ما انت حاس واذا راح البنج راح اتعذب لذلك من يوم تحاول تجرحني تشوف يدي اذا تحركت معناها تراك جرحتني قال خلاص تعبت والله بس عاد الواحد لازم يتحمل والدكتور فعلا الله يذكره بالخير شاطر كنت اتمنى انه عندنا كان اقولك تروح له لكن سافر لبلده .

3- بالنسبة لمنظار القولون سهل بس الصعوبه اللي فيه انهم يعطونك محلول يفضي بطنك وتقعد اربعة ايام متوظف بالحمام حتى لو بطنك ما فيه شي راح يلويك الماغص وانت عاد اذا كنت ضعيف ما راح تحمل لأن الامتصاص عندك ضعيف لذلك اذا حسيت انك نشيط خذ منظار القولون .

4- فيه حبة كبسولة المنظار سمعت عنها ابرك من المنظار نفسه تصور جميع ما في بطنك تبلعها وتطلع عن طريق الاخراج وهي افضل من المنظار لأنها تصور الاشياء اللي يعجز المنظار يصورها مثل الامعاء الدقيقة وتعرف طول الامعاء الدقيقه عند الانسان 7 الى 8 متر يعني مستحيل يدخل المنظار للمناطق هذي والكبسوله راح تدخل لجميع ما في البطن وهي موجوده في جميع البلدان الخليجية والعربية على سبيل المثال بالسعوديه موجوده في جده والرياض سمعت انها في مستشفى سليمان الحبيب وما ادري والله ولو تدخل في النت راح تلقى ناس يعلمونك وينها وفيه اكيد بعد في ديرك بالضبط والدول الثانية اسال عنها في النت مثل ما قلت وهذا فديو راح يوضح لك طريقة استخدامها

واعذرني اخوي راح انسخ ردي عليك وارد فيه على احد الاعضاء لأني تعبت من كثرة ترديد الكلام ولك كل محبة وتقدير ،،،

أسال الله العظيم رب العرش الكريم انه يشفيني ويشفيك ويشفي كل مسلم ،،،،،،

https://