[رسوم متحركة;1058231]ربي يحبك أهلا بك
بخصوص التغذية الله يسلمك فما بيدي حيلة انا أمي أرضعتني ثلاثة شهور بس قلت لها ليش ما أرضعتي سنتين هذا من حقي أسألها و أعاتبها تقول ما عاد فيه حليب وبأني خلصته في ثلاث شهور قلت لها طيب هناك حل ليش ما دورتي مسترضعة تقول مالقينا بعدين فكرت في السالفة قلت دام هذي أولتها أكيد هذي آخرتها إكتئاب و رهاب الخ ...
أمري إلى الله و الشكوى إليه و الحمدلله على كل حال


هههههه احبك بالله باين من اسمك رسوم متحركة شكل اهلك يلهونك بأفلام الكرتون علشان امك ما فيها شي تدري الله يهديك من يوم انك في بطنها وانت قاعد تاكل معها الله يخليها لك اخوي احمد ربك ما صرت بجيل الاولين اللي يرضعونه من عنز اومن شاة وعاد الحين يقالك الحريم بالجيل التالي وخر عنهن مثل ابقار المراعي خطر الوحده ترضع الف طفل ياخي الجيل التالي كلهم عيال بقره لو لا الله ثم لولا البقر ما عاشوا اللي امه سويسريه بيوميل واللي المانية سميلاك واللي هولنديه لاريلاك واللي دنمركيه اتوقع اساميهن كذا يعني متعدين الخمس رضعات قاعدين سنتين يرضعون من حليب البقر والبقر صارن امهاتهم من الرضاعه .


طيب حبيت أقولك بماان عمري 32 ما هي العناصر التي أنا في أمس الحاجة إليها أكثر من غيرها بما اني عطيتك سالفة الرضاعة ثلاث شهور و الآن و أنا الثلاثين أشتكي من قلة الشهية أو إنعدامها بالأصح فياليت تسعفني بكذا دواء فيتامين فيه العناصر اﻷساسية لمثل حالتي ؟¤¤♡♡



اسعفك اتصل ياخوي على الهلال الاحمر اقرب هههه شف اخوي متأكد فيتامين ب12 ناقص عندك وهذا موجود بمشتقات الالبان اكثره لكن اذا كانت باطنيك تأثر اذا اكلت الاجبان او شربت اللبان بلاه واذا كانت باطنيك ما تأثر لو يحصل يكون اللبن والحليب طبيعي مية بالميه او حليب النياق كاس يوميا ً كان خلاص امورك بأذن الله سهله راح تعوض النقص هذا بشكل سريع .

واذا جسمك ما يتقبله شف عندك اللحوم مثل الاسماك وعندك البيض وفيه سبحان الله الموز فيه عناصر كثيرة اقل شي اذكر انه يحتوي على مادة تروبتوفان تحفز الجسم على افراز هرمون السعادة السيروتونين غير العناصر الثانية اللي فيه وبعد اقولك فيه ناس اذا اكلوه يكون عندهم حساسية منه وعندك القرع البلدي يعني غير عن الامريكي اللي حجمه صغير ادخل في النت راح تلقى اللي تبيه بالتفصيل واحرص على شرب ما ء زمزم اقل شي كاس الى كاسين يوميا ً.


الإستفسار الثاني
لو أكلت و شربت الفيتامينات المهمة لي و الباطنية مثلا فيها بلى هل ما راح يستفيد الجسم من هذي الفيتامينات و لو بنسبة قليلة .؟


لو جسمك ما يستفيد كان ما عشت الله يهديك بس الفايده راح تكون بسيطه مع العلاج والحمية والايمان بالله وقراءة القرآن راح تشفى بأذن الله بس اخوي انت تراك تعاني من سنين تحسب المسأله اللتهاب لوز لا اخوي هذي باطنية لو ما هي صعبه ما ذكر الرسول عليه الصلاة والسلام ان اللي يموت مبطون بالجنه .
يعني يبلها وقت وصدقني والله اني اعرف ثلاث اشخاص جلسوا سنه لكن يبون العافيه وسبحان الله عقب ما التزموا بالعلاج والحمية وقراءة القرآن تشافوا والحين ما شاء الله راجعين مثل قبل وترى امراض الباطنية بشكل عام اغلبها تكون من العين لا اوصيك القرآن شفاااااااااااااااااااااااااااااااااء .
أسال الله العظيم رب العرش الكريم انه يشفيني ويشفيك ويشفي كل مسلم اللهم آمين