اخوي العزيز رايد

انت عندك هوس في ملاحظة اي مشكلة بجسمك لو انها تافهه تضخمها وهذا يسمى رهاب التشوه الجسدي انت تحسب الناس انهم دارين عنك الله يصلحك ما ادري لا تصير بس بجمال يوسف عليه السلام علشان زملاك يقطعون يدينهم من شدة جمالك يوم كل الهوس هذا والتدقيق اقسم بالله ما جاب خبرك احد اخوي سبحان الله المرض هذا دايم اشوفه على الناس اللي يدققون في كل وجبه ياكلونها ومتأكد انك من الناس هذي وازيدك من الشعر بيت اغلب وقتك مع نفسك تخاف يطلع بوجهك حبوب ياخي من عمر الدنيا المرأة الجميلة للرجل القبيح والمرأة القبيحة للرجل الوسيم يعني الله يصلحك ريح بالك ابشرك كان بك ملح تبي تطيح بوحده من قبحها راح تقول الحمد لله اثري بالجمال هذا والعكس و اتمنى منك تجيب لك لوح خشب وتمسور نفسك فيه والا اوديك لدورة تجنيد بالعسكرية اخلي الشمس تحمسك وتطلع النقتف لصورك الحاليه من سواد بشرك بعد ما تدخل الدوره .

ياخي ناس تقطعت ايدينهم ورجلينهم وشبت وجيهم وحالتهم النفسية من ابدع ما يكون تدري ليه لأنهم ما قصروا بحق رب العالمين ومتأكد مليون بالمية انك ما تصلي جماعة بالمسجد الا نادر وعليك بعض الامور تدارك عمرك بس وارجع لربك واتمنى تمعن الكلام اللي قلته لك .

أخبرنا محمدُ بنِ إسحاق بنِ سعيدٍ السَّعديُّ ، قال: حَدَّثنا عليُّ بن خَشْرَم ، قال: أخبرنا عيسى بنُ يونس ، عن شُعبة ، عن قتادةَ ، قال: سَمِعْتُ أبا عثمان يقولُ : أتانا كتابُ عُمَرَ ونحنُ بأذْرَبِيجَانَ مَعَ عُتْبَةَ بنِ فرقد: أما بَعْدُ فاتَّزِرُوا وارتَدُّوا، وانْتَعِلُوا وارْمُوا بالخِفاف، واقْطَعُوا السَّرَاويلاتِ، وَعَلَيْكُمْ بِلِبَاسِ أَبِيكُمْ إسْمَاعِيلَ، وإيَّاكُمْ والتَّنَعُّمِ وَزِيِّ العَجَمِ، وعليكُمْ بالشَّمسِ، فإنها حَمَّامُ العَرَبِ، واخْشَوْشِنُوا واخْلَوْلِقُوا وارْمُوا الأَغْرَاضَ، وانْزُوا نَزْواً، والنَّبيُّ نَهانا عَنِ الحَرِيرِ إلا هٰكذا: أصْبُعيهِ والوُسْطَى والسَّبابة ، قالَ: فما عَلِمْنَا أنهُ يَعني إلا الأعلام. (4: 9)

" اخشوشنوا فإن النعمة لا تدوم"

اعذرني على قسوتي عليك بس والله ابيك تنتبه لنفسك والاخطاء اللي سوت فيك الشي هذا راح اذكرها الحين واتمنى تعدلها مع اني ذكرتها لك عندي تكون على شكل نقاط افضل :
1- الصلاة جماعه فيه تقصير منك متأكد
2- عليك بقراءة القرآن واذكار الصباح والمساء .
3- احذرك من العزله مع نفسك تراك راح تخلي المرض النفسي الى جسدي اذا استمريت والله ان تحسف وتراي حذرتك اطلع مع ناس رجال ماهم اشباه رجال يعتنون بأنفسهم .
4- لا تحرم نفسك من الاكل ومتأكد ان قاعد تدقق بأكلك وحارم نفسك على ان عند سالفه وانت مدمر نفسك ولا تدري ارجع وكل مثل الاوادم .
5- والله مايدخلك الجنه الا اذا اديت الاشياء اللي فارضها الله عليك والعمل الصالح .

واخيرا اتمنى تقول اني مخطي بكلامي ولا تزعل والله ما قلت الشي هذا الا من حرتي اشوفك تدمر نفسك وانت ما تدري البنت بدالها الف بنت لا وغير الشي هذا ان اديت حق رب العالمين ابشر بالحور العين وانا بلغتك وانت لك حرية الاختيار

أسأل الله العظيم رب العرش الكريم انه يشفيني ويشفيك ويشفي كل مسلم اللهم آمين