|
جرثومة المعده+ جهاز الفا+ اخصائي نفسي+حجامه
السلام عليكم ورحمة الله 🙋
شخباركم ؟ كيف النفسيه ؟ متفائلين ؟
اقولكم جا موعدي وحللت عن جرثومة هالمعده بس مو دم لا نفخه اللي ابلع حبوب وانفخ في هالكيس
الحمد لله طلعت النتيجه سليم يعني هاللي يصير لي مو من المعده !!!!!! 🌼
ومن بكره رحت اسوي حجامه وعند وحده شاطره وقالت بحجم لك من مناطق الطاقه وسوت حتى في وجهي مع اني كنت ارفض تحجم هالمنطقه الصدق اني تحسنت من هالحجامه بنسبة 30 بالميه ارحم من اول قدرت انام
سبحان الله ناس فعلا طلعت معاهم مشاكل في هالمعده وناس بسبب نفسايتهم وبمجرد ماهدت امورهم وصارت الامور ايجابيه رجع كل شي طبيعي وناس زادوا في العبادات وتحسنوا بشكل ملحوظ الواحد يفعل بالاسباب الله يشفينا جميعا
والله يسعد كل شخص حاول يساعد لوجه الله ....................،
الحين افكر صراحه بجهاز الفا وش سالفته مين جربه منكم ؟؟ فاد لصداع ؟؟ اطرحوا تجاربكم اذا سمحتوا ؟؟؟؟ ⛽️
امس كنت اسوي شغله وكان مطلوب انجزها بوقت سريع ولاني مركزه وقلق ابي اخلص بسرعه بعدها مسكني صداع ورعشه في اليد ونبضات القلب السريعه لين الحين
سبحان الله مدري وش هاللي صار
انا احاول احلل الموضوع توصلت انها افكار سلبيه معشعشه في العقل الباطن وغير المواقف السلبيه وغير المشاعر السلبيه ضغوط تجمعت لحد ماصار مرض عضوي ؟؟؟ 🚨
الموضوع نحتاج نسوي فورمات للمخ اعادة تهيئه نطرد السلبيه مسح تام نحتاج اشخاص ايجابيين وكلامهم مقنع واذكياء نحتاج اخصائيين نفسانيين فاهمين 🚏
رحت كذا اخصائي واخصائيه نفسيه ولكن للأسف ماعندهم هذيك الخبره الكافيه ماعندهم مهاره مااحس اني اذا طلعت من عندهم طاقتي الايجابيه مرتفعه ! 🙎
قبل فتره احد تكلم عن اخصائي عالجه وكيف طريقته في تغيير افكاره كان يعامله على انه شخص مميز بغض النظر انه فعلا هالشخص مميز او لا بس كاتعامل الدكتور معاه رائع تعامل ذكي وهالاخصائي للأسف مو موجود سافر لبده
تعرفون اخصائي نفسي كويس ؟ في الرياض ؟ انسان عنده خلفيه واسعه ؟؟
|