نفساني - عرض مشاركة واحدة - جرثومة المعده+ جهاز الفا+ اخصائي نفسي+حجامه

15-03-2015, 05:27 PM

اقتباس:

المشاركة الأصلية كتبت بواسطة هدوء البحر

السلام عليكم ورحمة الله 🙋
شخباركم ؟ كيف النفسيه ؟ متفائلين ؟
اقولكم جا موعدي وحللت عن جرثومة هالمعده بس مو دم لا نفخه اللي ابلع حبوب وانفخ في هالكيس
الحمد لله طلعت النتيجه سليم يعني هاللي يصير لي مو من المعده !!!!!! 🌼
ومن بكره رحت اسوي حجامه وعند وحده شاطره وقالت بحجم لك من مناطق الطاقه وسوت حتى في وجهي مع اني كنت ارفض تحجم هالمنطقه الصدق اني تحسنت من هالحجامه بنسبة 30 بالميه ارحم من اول قدرت انام
سبحان الله ناس فعلا طلعت معاهم مشاكل في هالمعده وناس بسبب نفسايتهم وبمجرد ماهدت امورهم وصارت الامور ايجابيه رجع كل شي طبيعي وناس زادوا في العبادات وتحسنوا بشكل ملحوظ الواحد يفعل بالاسباب الله يشفينا جميعا
والله يسعد كل شخص حاول يساعد لوجه الله ....................،
الحين افكر صراحه بجهاز الفا وش سالفته مين جربه منكم ؟؟ فاد لصداع ؟؟ اطرحوا تجاربكم اذا سمحتوا ؟؟؟؟ ⛽️
امس كنت اسوي شغله وكان مطلوب انجزها بوقت سريع ولاني مركزه وقلق ابي اخلص بسرعه بعدها مسكني صداع ورعشه في اليد ونبضات القلب السريعه لين الحين
سبحان الله مدري وش هاللي صار
انا احاول احلل الموضوع توصلت انها افكار سلبيه معشعشه في العقل الباطن وغير المواقف السلبيه وغير المشاعر السلبيه ضغوط تجمعت لحد ماصار مرض عضوي ؟؟؟ 🚨
الموضوع نحتاج نسوي فورمات للمخ اعادة تهيئه نطرد السلبيه مسح تام نحتاج اشخاص ايجابيين وكلامهم مقنع واذكياء نحتاج اخصائيين نفسانيين فاهمين 🚏
رحت كذا اخصائي واخصائيه نفسيه ولكن للأسف ماعندهم هذيك الخبره الكافيه ماعندهم مهاره مااحس اني اذا طلعت من عندهم طاقتي الايجابيه مرتفعه ! 🙎
قبل فتره احد تكلم عن اخصائي عالجه وكيف طريقته في تغيير افكاره كان يعامله على انه شخص مميز بغض النظر انه فعلا هالشخص مميز او لا بس كاتعامل الدكتور معاه رائع تعامل ذكي وهالاخصائي للأسف مو موجود سافر لبده
تعرفون اخصائي نفسي كويس ؟ في الرياض ؟ انسان عنده خلفيه واسعه ؟؟

اختي هدوء البحر
الله يهديك والله ما قلت لك الا اللي يرضي الله قبل ما يرضيك اولا ً
ابغاك تروحين وتسوين منظار وراح ادفع لك 5000 آلاف ريال ارسلها على حساب اخوي المراقب الشاكر يرسلها لك اذا ما كان فيك اللتهاب بالمعده والقولون بس افحصي بالمنظار وانا على كلمتي قدام الاعضاء والزوار ، وبالنسبة لاختبار الجرثومة النفخ راح اذكرك بعد فتره تبي تحسين بحرارة في فوهة المعده وراح تذكرين كلامي وانا والله اني منصح لك وقايل لك خوذي فحص بالدم وماهو شرط اختي اذا ما طلعت معك جرثومة المعده يعني ما عندك اللتهابات او تقرحات في المعده والقولون .

اختي هدؤء البحر اتمنى تاخذين منظار عند الدكتور المفرح او الحربش بما انك في الرياض في ديرك زملاي يمدحونهم وكانك تعرفين غيرهم احسن بعد ومثل ما قلت لك راح ادفع لك 5000آلاف ريال على حسابك اذا ما طلع كلامي صحيح وارسل المبلغ للمراقب اخوي الشاكر ويحوله على حسابك اختي هدوء البحر اللتهابات والتقرحات مالها علاقة بالجرثومة الجرثومة تزيد اللتهابات والتقرحات فقط اذا زاد عددها وهي موجوده بجسم اي شخص ولها معدل يعني عندك اللتهابات وتقرحات مو شرط يكون عددها زايد الحبوب لها دور في زيادة اللتهابات والتقرحات والاكلات اختي والله اني ناصح خوذي منظار و لا تخلينه ياخذ عينه من المعده والقولون مجرد انه يشوف عندك اللتهابات او تقرحات
والله اني مقهور تدرين ليه لأن مافيه شي قلت لك عليه وسويته طعتي الدكاتره فقط اختي انتي خوذي منظار للمعده والقولون وإذا ماكان فيك شي للمره الثانية المبلغ راح ياصلك وكل الكلام اللي قلته في المنتدى اضربي فيه عرض الحائط وسبيني مسامحك دنيا وآخره وللعلم اتوقع فيك نقص فيتامين ب12
وفي النهاية اختي انتي اخذتي فحص لجرثومة المعده بس حاب اقولك اذا كنتي تاكلين اي علاج ما راح تطلع معك في التحليل للعلم .