نفساني - عرض مشاركة واحدة - رسالة إلى من يريد أن يعرف هل عنده جرثومة معدة او لا

16-03-2015, 02:08 AM

ايوه وانا خوك ولله الحمد بشرتنا الحلوة هذي ولله الحمد تصبصب فيتامين د ، لكن فيه استثناءات مثل الحريم الحوامل ، او حتى الي عندها اطفال صغار ، وكبار السن ، وبعض الناس الي ما ياكلون سمك وفواكه او تغذيتهم سيئة ، و الناس الهاي هاي ( الكووول ) اللي ما يشوفون الشمس عشان ي ربيييه بشرتهم حساسا مرررا ، هذولي عرضة لنقص فيتامين د ، وانا عندي الوالد الله يطول بعمره ويحفظه عنده نقص فيتامين د و اخوي الكبير ايضاً مع انهم يتعرضون للشمس لكن فيتامين د الحمد لله امره بسيط بفضل الله ومنه وكرمه كله كبسولات و بالقوة اللي تبي بعد ، تتعالج و انت تتشرط ، فيتامين ب12 اكثره ف الاكلات الطبيعية ، و انا اقول لكم ترى نفسيتك غالباً ما تعكس اكلك ، وانا اساسا ما جتني الوساوس الا بعد فترة كنت العب فيها حديد و اكلي كله صحي و دايت ومدري ايش ، و فجأة وقفت الحديد والاكل الصحي وهاتك يا مضاغيط و كبسات و شغل عدل ، جسمي جته صدمة نفسيه مني ، ونسيت شيء كمان ترى يوم عند الوالد واخوي الكبير نقص في فيتامين د بسيط ترى مو معناته ان احنا عايلة كول ولا بشرتنا بيضاء لا ما اقصد كذا تروني اششهب اميل للسواد فلا حد يحط عينه علي ابدا

ثانياً تعال ترصد لي ي ابو المناظير انا اوريك شغلك ، هههههههههههههههههههههههههههه.. ي اخوانوالله المنظار او كبسولة النفخ مو ضارتكم شيء من جد او حتى الثوم ، اذا انت تشوف ان الاكل يزيد من حالتك او تحس بغثيان و تبي ترجع وانت بكرامة خلاص لا تجلس تفرفر بين الاطباء النفسانيين ، اي شيء تحس به في نفسيتك يتغير ترى مو شرط يكون نفسي ، مو شغلة ولا شيء قوي عليك انك تروح تحلل تحليل شامل بصباح احد الايام بدل م انت منفس و لا موسوس ومو عارف وش تسوي روح حلل ، مررررة مررة مو عاجبك المستشفى اكل ثووم ياخي ، ياخوان ترى المسألة بسيطة والله تروح عنكم الوساوس كلها والقلق ، كلننننا اقسم بالله العظيم كننا نفكر انا بنجلس طول حياتنا كذا ، كلنا كنا نقول مافيه احد غيرنا ، كلنا كنا نقول هذي الوساوس مالها حل وبتجلس براسي ، لا ابشركم كل هالافكار والخرابيط الشيطانية بتروح باذن الله ، انت توكل على الله وروح المستشفى بس وحلل ، ان كان فيه شغلة نفسية اكثر ما كثر الله الادوية النفسية و بدون اثار جانبية و اكلات طبيعية تهدئ اعصابك و ان كانت روحية ف والله لا شيطان ولا غيره بيقدر يجلس بجسمك وانت مؤمن تقرأ القرآن يومياً ، الشغلة فقط انك تعزم على انك تسوي شيء ، هالوساوس تحبطك تخليك تفكر في كل شيء سلبي تخليك فقط تفكر في هل فيه احد مثلي او لا ؟ هل انا بجلس طول عمري كذا او لا ؟ واذا قال لك دكتور حاجة كويسة مثلا م فيك الا العافية تقتنع فيها ابو خمس دقايق و ترجع تشك و تدور دكتور ثاني بس عشانك مو مقتنع بكلام الاول او شكله ، كلنا مرينا بهالحالة ، وف الاخير لما عزمنا على التغيير و العلاج ربي فتح لنا وتعالجنا ، طيب والتوقعات ؟ والتخيلات المخيفة ؟ واعصابي الي احسها تتحسس من اي شيء ؟ طيب احس بالتخيلات هذي بتدمر مستقبلي او اني ما بتمالك اعصابي عند اي خبر بجلس طول عمري خايف ومدري كيف بعيش حياتي ؟ طيب هذي المخاوف كيف باعيش معاها يعني كل ما اتذكرها باجلس اقلق واخاف ؟
نقرتين لعرض الصورة في صفحة مستقلة

هذا دار في راسك صح ؟ حتى انا دار في راسي مثله واكثر و هذا انا اكتب و مبسوط وفرحان ولله الحمد و من الله علي بالشفاء لماذا ؟ لاني اولاً توكلت على الله الذي لا اله الا هو ، خضعت له سجدت له نزلت راسي ع الارض ابكي وادعي له يا رب ان كان هذا البلاء في ذنب اذنبته فانا اتوب لك يارب وفهمت مقصدك من هذا الهم يارب ارفعه عني واجعلني يارب ما اعصيك طرفة عين .. وبعد الدعاء والتوكل عملت بالاسباب ولله الحمد فلا توكل بدون اسباب ولا اسباب بدون توكل ، عملت فحوصات و رحت وجيت وتعبت وكانت حالتي خاصة شوي و الحمد لله حليتها بيسر وسهولة ، و الحمد لله لو كان اللي كان اعرف انه من الله يريد به تكفير ذنب او تحذير ، وهذا من رحمة الله بنا انه حتى الشوكة تصيبك تكفر عنك..