نفساني - عرض مشاركة واحدة - زواج السعوديه من غير السعودي ( الأجنبي ).

20-03-2015, 04:13 PM

اقتباس:

المشاركة الأصلية كتبت بواسطة حسن الظن

السلام عليكم يااخوان انا طبعا لي شهر متابعكم وما اتفعل الحساب الا اليوم ابغى اطلعكم على الشروط الجديدة الا اتغيرت من الامارة بالنسبة لموضوع العمر من الزواج من سعوديةgfds
طبعا نفس الشروط حقت 30 سنه نفسها اللهم الشي الوحيد للي اتغير ان لا يقل عمر المخطوبة السعودية عن 25 سنة بشرط ان يكون الخاطب مقيم وغير عربي وان لايكون من مواليد السعودية
هيا بالله اش رايكم في الكلام ده ?

تتكلم من جدك انت ????
من فين جبت الاخبار هدي ????
معقول هي وصلت لكدااااا يسهلوها للعجم وغير المواليد
والعرب اللي مننا وفينا وفوقها مواليد البلد هدي ودرسو فيها واشتغلو يعقدوها عليهم ????

معقوووول وصلنا للدرجة دي يا نااااس

عقلي الباطني جالس يقولي انت فهمت العكس مو راضيه استوعب الكلام دا لانو مو كلام منطقي اصلاااا
واللي قاتلني انو التعقيد دا بس في جدة ومكة وبسسسسس

حسبي الله ونعم الوكيييييييل

شوف بقولك ع حاجة هي اساسا دي المواصفات من اول بتمشي في ال 25
عارف ليش لانو دول اساسا من اختصاص الداخليه هي اللي تعطي فيها الموافقة والرفض وطبعا الداخليه فيها العمر 25 فتوافق عليها
وتمشيها الامارة سلام سلام ع المحكمة
واحنا المساكين عشانهم مواليد وعرب يكونو من اختصاص الامارة وطبعا من سووووء حظنا امارتنا الوحيدة فيها 30 فتقوم تحفظها ويتوقف نصيبنا
هدا اللي ساير من زمااااان من وقت مااتغير الشروط 30 اصلا

رغم انو الكلام دا مو جديد ومطبق من زماااان من سنة تقريبا الا انو برضو اتسدت نفسي زيادة من حكاية تغيير الشروط دي وحاسة من جد مافي شي

وحسبي الله ونعم الوكيل بس